Mi j'l ai poin ravisé ch'l eurovision d'chés canchons , cha fini tours* à dés heures du diape , chés canteux is n'cant'té mie pu din leu langue ; pi ch'l achuchonnache * intre chés poéys pour foaire guégner ch'voésin , cha cminche à m'plaire !!
Édon j'n érbéï pu . Mérchez , o m'a dit qu'in plein mitan dé ch'l émission atandis* qu'inne canteuse a s'égozilloait sur scéne , un badeux est arrivé ed neune-pèrt* déjuant chés serviches ed sétc...hurités pi l'éroait foait vir sin tchu a pu d'deux chint myons d'gins ! Nan mais , oz voéro d'toute hein !
M'infin , éne tchote pénsée pour Alma qu'al érprésintoait la France al o términé 12ém; éq ch'est eune boéne plache ! Al o presque vue ch'bout dé ch'tunel Alma ... Ej dis cho pasqu'i sanne à vir eq din sin poéys tertous chés gins is l'appel'té princhésse !! A moinss qu'a seuche inne cacouille ! Quiéche qu'i sait ?!!!
*Tours = Toujours
*Achuchonnache = S'associer
*Atandis = pendant
*Neune-pèrt = Nulle part
*Tours = Toujours
*Achuchonnache = S'associer
*Atandis = pendant
*Neune-pèrt = Nulle part
Aucun commentaire:
Enregistrer un commentaire