Ed l'ouvrache in tchulotte courte o bien in survêt'

Ech rapeur Orelsan i dit din s'canchon eq "l'intretien d'imbauche in survêt' ch'est inne mawoése* idée " ...
Tout du contraire , à Liévin os faisez vo intretien d'imbauche in short o bien in survêt' , pi ch'patron étou * à chu stade couvert ed Liévin . 

Os dvisez d'vo savoér fouére aveuc vo futur patron inter* ch'couloér 3 pi ch'couloér 4 .
Mi j'dis qu'ch'est fin bien pi qu'cha cange ed t'éte driére un burieu* . M'est d'avis qu'tu doés signer tin CDI su ch'podium avoék cho'm Marseillaise coére !!

*Mawoése = Mauvaise
*Etou = Aussi
*Inter= Entre
*Burieu = Bureau

Qué cirque !

A l'arbout dé ch'boin sin .

Pour don.ner un peu puss d'acatoér* à chés tchutéreux , chés grands magasins is vont rinquérir chés prix ed sartains z'artiks . Fragilisant un molé d'puss chés paures lazéres* .

Pour lutter conte chés gaz mawoés* , on dit à les gins : prindez chés transports in commun ; mais on inléfe dés TGV .

Deux , troés éléfes in moins pou qu'nou z'éfants is seuch't-é miu z'éduquéïe , et vla ti pon qu'on freume des classes .

Pour fouére face à cho'p précarité énérgétic , ch'courant i va grimper d'six pour chint . ( coér bien qu'in ch'momint ch'l augmeintation al est suspeindue) .

Marchez ! Après on s'édminde à coeuse qu'i n'y a dés giyets ganes din chés rues ! Crénon dés z'os !! ( minme si ch'est vraï , qu'est urgeint d'fouére quékcose pour no cinsiers) 

*Acatoér = Pouvoir d'achat
*Paures lazéres = Les plus démunis
*Gaz mawoés = Pollution

Unne pértie d'golf

Unne fénme a cminche inne pértie d'golf . Al frappe et cho'b balle al vient chambuquer un honme qu'i foait sin parcour poin d'trop loin d'elle .
Ch't honme i quait à terre et pi i serre ses mains inter ses gambes .

Vite é-vite cho'f fénme al arrife , ch't honme i l'est din l'position fœtale ; al s'estchuse pi al i ésplique qu'al est scourisse à la croéx rouche ; éq si i s'laichroait fouére al pouroait diminuer s'n angouche (douleur) .
Cha n'est mie la peine qu'i dit ch't honme cha ira miu din chinq minutes . Mais al insiste pour li fouére un traitemint , finalemint i s'laiche fouére .

Tout douchmint al inléfe ses mains d'intre ses gambes ; al ouve sin patalon et al plache ses mains d'din in l'massant délicatemint ; pér après quéques minutes al i dminde .
- Cha va ti miu ?
- Asseuré qu'cha foait du bien ...Mais j'ai tojours autant d'mau à min pouce !! 😂