Un lapin cha n'est mie un bétail ed companie . Ch'est deux kilos énmi ed vianne avoéc granmint ed protéines , pi sans cholestérol .
Ech " plan lapin" ch'est conme cho qu'chés grosses légueumes* Vénézuéïens is ont délonmé leu plan d'sauvetage pour indiguer cho'c crise économique dé ch'poéys . Pér après avoér canger l'heure pour miu s'achuchonner* avu ch'solé ; achteure ech gouvérnemint i dminde à chés gins ed mier chu bétail à grannes-oréles .
J'éspere éq chés gins is n'front poin tout conme chés lapins , sains cho ch'est la patronne * qu'a n'sro poin continte du tout ! J'vous quitte busier la dsus !!!!!!
*Grosses légueumes = Politiciens
*S'achuchopnner = S'accommoder
*La patronne = La femme du foyer
*Busier = Penser
Bonjour tertous , j'a crée ch'blog pour tous ceux qu'is ont quére cho'l langue Picarde . Ej veux moutrer ichi qu'in Picard oz peut bérdler ed toute sans t'éte malhonnéte , ni foaire dél réclame pi in esséyant dé n'poin nommer chés gins . Mais os n'oublirons poin d'rigoler . Alors' , OZ-Y-VO !!
samedi 30 septembre 2017
vendredi 29 septembre 2017
Bien savoér éch qué perler veut dire
Au cminchemint d'nio sièque , dins min poéys
Étoait tojours peinibe à Pére Robart un vrai " Pot à goutte" ed sortir sés neuès dins un coin d'sin grand mouchoér à carrieux , au momint d'poéyer s'consonmation . I vnoait rédjuliérmint , mon més pérints qu'is tnoait't el "café du progrès" boére és bistouille aveuc, à coté dé s'tasse , sin piot carafon d'goutte .
Mais ch'coup leu , au momint d'régler sin compte , a n'va poin tout seu . I s'met à tracher . I tate pi i tire dé s'poche un mouchoér qu'i n'a pu d'nœud . I dit à m'brave mére :
Éch n'est poin min mouchoér d'habitude , j'ai cangé d'habit .
- A n'est mie grave Pére Robart . O srons d'érvue diminche tchi vient ...
- Oui , philoméne , si diminche tchi vient j'én sus poin parti à teupes .
- Bé, d'tout sin ; qu'a li répond sans hésiteu eune ésgonde ém mére , a supposeu qu'o fucheuche mort édvant , ch'én sroait mie eune granne pérte !
E. Chivot (éstrait d'sin bieu live : rinchette )
Étoait tojours peinibe à Pére Robart un vrai " Pot à goutte" ed sortir sés neuès dins un coin d'sin grand mouchoér à carrieux , au momint d'poéyer s'consonmation . I vnoait rédjuliérmint , mon més pérints qu'is tnoait't el "café du progrès" boére és bistouille aveuc, à coté dé s'tasse , sin piot carafon d'goutte .
Mais ch'coup leu , au momint d'régler sin compte , a n'va poin tout seu . I s'met à tracher . I tate pi i tire dé s'poche un mouchoér qu'i n'a pu d'nœud . I dit à m'brave mére :
Éch n'est poin min mouchoér d'habitude , j'ai cangé d'habit .
- A n'est mie grave Pére Robart . O srons d'érvue diminche tchi vient ...
- Oui , philoméne , si diminche tchi vient j'én sus poin parti à teupes .
- Bé, d'tout sin ; qu'a li répond sans hésiteu eune ésgonde ém mére , a supposeu qu'o fucheuche mort édvant , ch'én sroait mie eune granne pérte !
E. Chivot (éstrait d'sin bieu live : rinchette )
jeudi 28 septembre 2017
L'érgent n'o poin d'odeur
Ch'est cho qu'o dit ...I péroait !
A Genève amon chés Suisses un bieu matin chés watéres ed cho's salle dés coffes ed cho'b banque UBS is étoait't bouchés ! Adon , ech directeur i l'o foait vnir ech plombier , et lo , ch't honme i l'o cru avoér eune bleuse-vue* ; quoé qu'i voét 100 000€ in liasse ed 500€ décopés aux cisieux in titchot morcieux .
Chés momacos* is ont pu éte récoués* pi mis d'coté pér chés autorités . I sanne à vir d'après chol justice Suisse eq cha sroait deux fenmes Espagnoles qu'is éroait'té laissiées ch'magot dins un coffré-fort n'y o eune coupe d'énnées . Mais o n'sait mie à coeuse qu'is ont garotées ch'magot dins cho'c cuvette .
*Bleuse-vue = Hallucinations
*Monacos = De l argent
* Recoués = Récuperés
A Genève amon chés Suisses un bieu matin chés watéres ed cho's salle dés coffes ed cho'b banque UBS is étoait't bouchés ! Adon , ech directeur i l'o foait vnir ech plombier , et lo , ch't honme i l'o cru avoér eune bleuse-vue* ; quoé qu'i voét 100 000€ in liasse ed 500€ décopés aux cisieux in titchot morcieux .
Chés momacos* is ont pu éte récoués* pi mis d'coté pér chés autorités . I sanne à vir d'après chol justice Suisse eq cha sroait deux fenmes Espagnoles qu'is éroait'té laissiées ch'magot dins un coffré-fort n'y o eune coupe d'énnées . Mais o n'sait mie à coeuse qu'is ont garotées ch'magot dins cho'c cuvette .
*Bleuse-vue = Hallucinations
*Monacos = De l argent
* Recoués = Récuperés
mardi 26 septembre 2017
Cho'r rechette d'Angela
Os n'savons mie grand cosse su Angela Merkel , plutôt aditée* d'berdler ed sin taux d'chomage , qué dé s'vie à elle !
Stapindant dins un magazine Allmand al o déclaré qu'al ainmoait bien cho's soupe ed peume é-terre . Al ésplique un molé : J'écatie* chés pétotes aveuc un presse purée , janmoés avu chu mixer , j'a quére quante i reste quiques morcieux d-dins .
Pi al continue , j'a quére étou chés spaghétis bolonaise ; pi j'ainme bien raviser pousser més pétotes .
Et si j'n avoais poin foait do'p politique , j'éroais écangé més loques ed chanceliére pour chétlo d'ein astronaute volant alintour ed cho't terre !!
*Aditée = Habituée
*Ecatir = Ecraser
Stapindant dins un magazine Allmand al o déclaré qu'al ainmoait bien cho's soupe ed peume é-terre . Al ésplique un molé : J'écatie* chés pétotes aveuc un presse purée , janmoés avu chu mixer , j'a quére quante i reste quiques morcieux d-dins .
Pi al continue , j'a quére étou chés spaghétis bolonaise ; pi j'ainme bien raviser pousser més pétotes .
Et si j'n avoais poin foait do'p politique , j'éroais écangé més loques ed chanceliére pour chétlo d'ein astronaute volant alintour ed cho't terre !!
*Aditée = Habituée
*Ecatir = Ecraser
lundi 25 septembre 2017
Chu bidet n'avoait poin composté
J'vo vous r'pérler d'Montpellier avoéc " 2 L " . J'y a résté eune coupe d'énnées à Montpellier ch'étoait du temps adou qu'i n'y avoait foque 2 lines ed tramway . Achteur i n'n o 3 . Probabe eq cho't troésiéme line al déboque* in camarque ( PDMM) ...!
Si cho m'foait rire éd vous dire cho , ch'est pasqu'un gazier* i l'o périé avoéc sés camarates qu'i l'arriveroait à prinde chu TRAME a ch'terminus jouqué * su sin gvo !
Peine pardu i l'o du décaniller à peine rintré a coeuse éq chu méneu-d'train i s'en n'o appercheu et qu'i m'nachoait* d'prévnir chés cadoreux .
I sanne à vir qu'is seuch'té pértis vers chu centre-ville ! Peut qu'manqué ch'est eune biéte roulante à " un gvo fiscal" Népoin !!!
*Déboque = Débouche
*Gazier = Drôle d'individu
*Jouqué = Juché
*M'nachoait = Menaçait
Si cho m'foait rire éd vous dire cho , ch'est pasqu'un gazier* i l'o périé avoéc sés camarates qu'i l'arriveroait à prinde chu TRAME a ch'terminus jouqué * su sin gvo !
Peine pardu i l'o du décaniller à peine rintré a coeuse éq chu méneu-d'train i s'en n'o appercheu et qu'i m'nachoait* d'prévnir chés cadoreux .
I sanne à vir qu'is seuch'té pértis vers chu centre-ville ! Peut qu'manqué ch'est eune biéte roulante à " un gvo fiscal" Népoin !!!
*Déboque = Débouche
*Gazier = Drôle d'individu
*Jouqué = Juché
*M'nachoait = Menaçait
samedi 23 septembre 2017
Carté-postale
I n'est poin rére* eq chés cadoreux is r'cheut'té dés carté-postales ; souvint d'leu collègues conme in dit qu'is sont in vagances . Mais lo , is nn'ont r'cheut eune d'un type a qui is avoait't inlvé sin pérmis d'rouler à coeuse qu'i l'avoait lapé un coup d'trop ; du coup i s'o r'treuvé sains pérmis .
Édon pou s'n aller œuvrer i l'o du foaire du covoéturage , et durant chés trajets i l'o queu amoureux d'eune fénme . Is s'arrange'té bien insanne piq'cha foait 2 ans qu'cha dure . Lo is sont in vagance dins cho'b botte* à Milan ! " Merci pour touté-deux "; qu'i l'o mérqué ch't honme in bos d'cho'c carte !
*Rére = Rare
Cho'b botte = L'Italie
Édon pou s'n aller œuvrer i l'o du foaire du covoéturage , et durant chés trajets i l'o queu amoureux d'eune fénme . Is s'arrange'té bien insanne piq'cha foait 2 ans qu'cha dure . Lo is sont in vagance dins cho'b botte* à Milan ! " Merci pour touté-deux "; qu'i l'o mérqué ch't honme in bos d'cho'c carte !
*Rére = Rare
Cho'b botte = L'Italie
vendredi 22 septembre 2017
Ésn amoureux
A l'récréation Fifine al seute à la corde . Ch'est un ju qu'o dit à chaque bond eune létte dins l'orde éd l alphabet . Est rudmint intéréssant pi tchurieux , pasqu'o s'arréte à l'preumiére létte du nom d'ésn amoureux .
Fifine al seute un coup : A . Deux coups : B . Pi coér un coup : C ...Et pi D , E, F, G, H ...Leu bouque coudue* ! A n'est poin forte in dictée , mais al sanne tout à foait seur d'élle , vu qu'i s'appélle , sin joli tchoeur , bé voéyons , tout bétmint : H-ille .
*Coudue = Cousue
Fifine al seute un coup : A . Deux coups : B . Pi coér un coup : C ...Et pi D , E, F, G, H ...Leu bouque coudue* ! A n'est poin forte in dictée , mais al sanne tout à foait seur d'élle , vu qu'i s'appélle , sin joli tchoeur , bé voéyons , tout bétmint : H-ille .
*Coudue = Cousue
jeudi 21 septembre 2017
Bieu temps dins l'champagne
Qué surprinse ; n'y éroait ti du ciél bleu dins chu champagne ?
Chés blouses blanques quante is ont débouché éne boutéle ed " champe" stockée à 20° , n'y o un titchot nué* pu froéd qu'do'g glache et bleu conme dins ch'temps* qu'i s'a déssaqué d'cho'b boutéle . D'ordinaire avoéc dés boutéles gardées inter 6 et 12° o voét foque qu'un tchot nué blanc foaite éd tchotes goutte é-d ieu ; mais cho os l'savoéme déjo !!
Nouzote dins chés heuts d'France , oz est fin heureux ed vir du bleu dins chu champagne . A coeuse éq dins ch'temps ; o n'in voét mie granmint !!
*Nué = Nuage
Ch'temps = Le ciel
Chés blouses blanques quante is ont débouché éne boutéle ed " champe" stockée à 20° , n'y o un titchot nué* pu froéd qu'do'g glache et bleu conme dins ch'temps* qu'i s'a déssaqué d'cho'b boutéle . D'ordinaire avoéc dés boutéles gardées inter 6 et 12° o voét foque qu'un tchot nué blanc foaite éd tchotes goutte é-d ieu ; mais cho os l'savoéme déjo !!
Nouzote dins chés heuts d'France , oz est fin heureux ed vir du bleu dins chu champagne . A coeuse éq dins ch'temps ; o n'in voét mie granmint !!
*Nué = Nuage
Ch'temps = Le ciel
mardi 19 septembre 2017
Inne mémoére ed nénéfant
Normalmint chés nénéfants is dorm'té pér nuit pi is oeuv'te él jour conme nouzote in sonme ! Hormis chés pots à gouttes qu'is sont mon ch'cabartier dusqu'a l'pointelette et qu'is dorm'te dusqu'a 3h d'érmontée * !!
Marche ... J'arviens à més nénéfants qu'i sanne à vir à intinde dire chés blouses blanques* qu'asteure is froait'tetout du contraire . Is r'mut'te* plus pér nuit qu'el jour ! A coeuse ?
Chés chiéntifiques is dit'té qu'cha sroait pour écaper à chés braconniers qu'is cach'té pér nuit . Chés blouses blanques euss is l-lé sait'te pachqu'is ont plaqués dés coïers* GPS ed 2002 à 2012 pour suire chés nénéfants au Kenya .
Is n'minqu'té vraimint poin d'gingin chés gros bétails lo !!
*D'érmontée = L'après-midi
*Blouses blanques = Chercheurs
*R'mut'te = vient de : Remuer
*Coïers = Colliers
Marche ... J'arviens à més nénéfants qu'i sanne à vir à intinde dire chés blouses blanques* qu'asteure is froait'tetout du contraire . Is r'mut'te* plus pér nuit qu'el jour ! A coeuse ?
Chés chiéntifiques is dit'té qu'cha sroait pour écaper à chés braconniers qu'is cach'té pér nuit . Chés blouses blanques euss is l-lé sait'te pachqu'is ont plaqués dés coïers* GPS ed 2002 à 2012 pour suire chés nénéfants au Kenya .
Is n'minqu'té vraimint poin d'gingin chés gros bétails lo !!
*D'érmontée = L'après-midi
*Blouses blanques = Chercheurs
*R'mut'te = vient de : Remuer
*Coïers = Colliers
lundi 18 septembre 2017
Montpellier avoéc deux " L"
Pour seur eq Montpellier in-nhui* , i l'est plus connu pour ech rugby eq pour ech footéball . Mais ch'est bien dfootéball qué j'm in vo vous causer .
Figurez vous qu'chés jueus , pi chés supporters is étoait't fin hureux ed porter ch'nouvieu maillot , mais i s-sont vite appercheu qu'i n-y avoait inne bérlure* . Montpellier i l'étoait imprimé avoéc 1 L .
Tartous chés gins qu'is avoait't acaté un maillot is ont té rimboursé .
Mais ch'est poin toute ; ech maire ed Montpellier pi chés 2 fréres Nicollin , is ont décidé d'bailler* tout ch'réstant d'maillot à cho'v ville ed MontpeLier avoéc 1L qu'al est cho'c capitale du Vermont amon chés Ricains !
*In-nhui = Aujourd'hui
*Berlure = Erreur
*Bailler = Donner
Figurez vous qu'chés jueus , pi chés supporters is étoait't fin hureux ed porter ch'nouvieu maillot , mais i s-sont vite appercheu qu'i n-y avoait inne bérlure* . Montpellier i l'étoait imprimé avoéc 1 L .
Tartous chés gins qu'is avoait't acaté un maillot is ont té rimboursé .
Mais ch'est poin toute ; ech maire ed Montpellier pi chés 2 fréres Nicollin , is ont décidé d'bailler* tout ch'réstant d'maillot à cho'v ville ed MontpeLier avoéc 1L qu'al est cho'c capitale du Vermont amon chés Ricains !
*In-nhui = Aujourd'hui
*Berlure = Erreur
*Bailler = Donner
dimanche 17 septembre 2017
Dins l'ménme corps
Dins un poéys mie loin d'ichi . Vrai à chint pour chint
Batisse un séclet un molé zézéle ; i l'étoait mérié aveuc Marie eune grosse dégordie qu'oz apploait , non sans raison , dins leu poéys Marie toute préte .
A s'intindoait o n'peut miu aveuc sin camarate ed régimint .
No batisse , fin contint dé ll'érchuvoér à s'tabe , i n'y voéyoait qu'du fu . I croéyoait ménme poin si bien dire , quante i répétoait dvant chés gins , in pérlant d'li :
" Os sonme conme deux fréres , édpi qu'oz ons sérvi ...Dins l'ménme corps ."
Batisse un séclet un molé zézéle ; i l'étoait mérié aveuc Marie eune grosse dégordie qu'oz apploait , non sans raison , dins leu poéys Marie toute préte .
A s'intindoait o n'peut miu aveuc sin camarate ed régimint .
No batisse , fin contint dé ll'érchuvoér à s'tabe , i n'y voéyoait qu'du fu . I croéyoait ménme poin si bien dire , quante i répétoait dvant chés gins , in pérlant d'li :
" Os sonme conme deux fréres , édpi qu'oz ons sérvi ...Dins l'ménme corps ."
samedi 16 septembre 2017
Os voulez ti foaire inne longueur ?
Avoér inne piscine dins s'moaison in sous-sol ch'est fin bien , surtout dins chés courts jours* , la d'où qu'oz est injlé dehors . Mais lo , j'n éroais mie ainmé d'éte ami avu chés gins d'eune villa au nord ed New York ; ouéche* qu'oz o r'treuvé ... 10 requins dins leu piscine !! N'y-o wére* eq dins chés fimes ed James Bond qu'o voét eine séquoé parél !
Chés bétails is ont té inmés à ch'l aquarium ed Long Island . Chés cadoreux is suspéctoait't chés gins ed cho'v villa ed foaire un trafic ed bétails seuvages !
Asteure si ein ami i vous propose ed foaire eine coupe ed longueurs dins s'piscine ...os r'béyerais bien ch'bassin in 2 coups dvant d'plonger !!
*Courts jours = L'hiver
*Ouéche = Ou est ce
*Wére = guère
Chés bétails is ont té inmés à ch'l aquarium ed Long Island . Chés cadoreux is suspéctoait't chés gins ed cho'v villa ed foaire un trafic ed bétails seuvages !
Asteure si ein ami i vous propose ed foaire eine coupe ed longueurs dins s'piscine ...os r'béyerais bien ch'bassin in 2 coups dvant d'plonger !!
*Courts jours = L'hiver
*Ouéche = Ou est ce
*Wére = guère
vendredi 15 septembre 2017
Inne rute prone !
Qué décarsure * ; qu'i doét pinser in li-ménme chu jone étudiant qu'i o r'treuvé al pointelette és n auto avu chés quate tneus* crévés.
I l'est lo mon ch'tribunal à acouter chés lamintries d'eune fénme qu'i la veille au soér , alorss qu'al in tenoait eune rute quérque* a quervé* chés quaté- tneus d'eine auto qu'al croéyoait éte ch'l auto dé s'boén ami qu'al savoait chipouiller aveuc la veille au soér et qu'a vouloaits'vinger .
Quélle hocleuse* ; télmint brindzingue qu'a n-s'o ménme poin appercheu qu'a s'berluroait d'carette
Nan , mais o voéro d'toute !!
*Décarsure = Catastrophe , malheur
*Tneus = Pneus
*Quérque = Charge (d'alcool)
*Quervé = Crevé
*Hocleu(se) = Peu intelligent
I l'est lo mon ch'tribunal à acouter chés lamintries d'eune fénme qu'i la veille au soér , alorss qu'al in tenoait eune rute quérque* a quervé* chés quaté- tneus d'eine auto qu'al croéyoait éte ch'l auto dé s'boén ami qu'al savoait chipouiller aveuc la veille au soér et qu'a vouloaits'vinger .
Quélle hocleuse* ; télmint brindzingue qu'a n-s'o ménme poin appercheu qu'a s'berluroait d'carette
Nan , mais o voéro d'toute !!
*Décarsure = Catastrophe , malheur
*Tneus = Pneus
*Quérque = Charge (d'alcool)
*Quervé = Crevé
*Hocleu(se) = Peu intelligent
jeudi 14 septembre 2017
Chés agobilles dé ch'l aréoport
J'n in su résté tout étombi quante j ai li ch'billet lo dins cho'g gazette . Tout ébeubi ed vir tout cho qu'o peut treuver dins ein aréoport .
Bé, prindez ch'ti d'Dublin piq'éch l artic i l'est in raport aveuc ! Édon quoé qu'is ont ti démuchés ?!
Eune clé in fonte d'un donjon ; un rocher ed 15 kg qu'un horzin* i l'o volu raméner d'eune plage mon chés Irlandais . Des boétes avoéc des chindes ed gins grillés* ; des faux dints ; un ziu d'verre , eine poaire ed cannes pour chés affolés* ; et einfin dés cadots à reules * .
O diroait qu'os ons yeu a foaire à des guérisons miraculeusses ! Pour mi cha s'a putôt passé à l'aréoport ed LOURDES !! Népoint !
*Horzin = Etranger ( ici employé pour désigner un touriste)
*Gins grillés = Urnes funéraire
*Affolés = Blessés
*Cadots à reules = Fauteuils roulants
Bé, prindez ch'ti d'Dublin piq'éch l artic i l'est in raport aveuc ! Édon quoé qu'is ont ti démuchés ?!
Eune clé in fonte d'un donjon ; un rocher ed 15 kg qu'un horzin* i l'o volu raméner d'eune plage mon chés Irlandais . Des boétes avoéc des chindes ed gins grillés* ; des faux dints ; un ziu d'verre , eine poaire ed cannes pour chés affolés* ; et einfin dés cadots à reules * .
O diroait qu'os ons yeu a foaire à des guérisons miraculeusses ! Pour mi cha s'a putôt passé à l'aréoport ed LOURDES !! Népoint !
*Horzin = Etranger ( ici employé pour désigner un touriste)
*Gins grillés = Urnes funéraire
*Affolés = Blessés
*Cadots à reules = Fauteuils roulants
mercredi 13 septembre 2017
Muche tin pot vla ch'cat
Pour mi ch'carnaval pour chés cats cha doét ézister vraimint . Figurez vous qu'él 15d'ahoûte ( à la miaou , forchémint ! PDMM) à Grandprut de bains dins lés Vosges , os ons démuché un cat aveuc un pot d'nutélla su s'tiéte .
Oz imagine bien qu'i l'o volu léquer ch'pot et qui n'arrivoait pu a déssaquer s'gueule ed la d-dins ! Mande un peu ...
Eune coupe ed gins is ont bien inséyé* d'li apporter un molé d'ayude* , mais i n'so mie quitter* foaire ; i l'étoait mawoés la gale , et du coeup i s'o inseuvé*
Quate jours pér après el vlo qu'i s'radine fiér conme un tchot banc sans ch'pot d'nutélla su s'cawoéte , sans affolures* , sans égratinures ; allez vous in vir écmint qu'i l'o foait pour s'décheper d'un ju paréle
Chat alors !!
*Inséyé = Essayé
*Ayude = Aide
*Quitter = Laisser
*Inseuver = Seuver
*Affolures= Blessures
Oz imagine bien qu'i l'o volu léquer ch'pot et qui n'arrivoait pu a déssaquer s'gueule ed la d-dins ! Mande un peu ...
Eune coupe ed gins is ont bien inséyé* d'li apporter un molé d'ayude* , mais i n'so mie quitter* foaire ; i l'étoait mawoés la gale , et du coeup i s'o inseuvé*
Quate jours pér après el vlo qu'i s'radine fiér conme un tchot banc sans ch'pot d'nutélla su s'cawoéte , sans affolures* , sans égratinures ; allez vous in vir écmint qu'i l'o foait pour s'décheper d'un ju paréle
Chat alors !!
*Inséyé = Essayé
*Ayude = Aide
*Quitter = Laisser
*Inseuver = Seuver
*Affolures= Blessures
lundi 11 septembre 2017
Réfléxions d'un connaisseu
Chaque coup qu'i quait dés gris i
dit pour és consoler : Ch'est ch'bon diu qu'i l'est parrain , i
nos invoée dés dragées !
L'ancien bédeu in r'traite éd Béhén
, dins lés énnées chinquante sépt , chinquante huit i l'intind un
jour sonner du mort . Un travail vite baclé d'aprés li , achteure .
N'est mie diu possibe ! Qu'i
foait r'mérquer à s'fenme . Acoute nmé cho el temps qu'i sonne !
Mi , quante éj sonnoais , tu l'sais bien , cha duroait granmint pu
longtemps pour moins quér .
Pi , tout compte foait i busit .
Bah , ch'est mie rien , aprés toute
, qu'i r'prind ,vu qu'i feut autant d'coups d'cloques pour réveiller
un mort qu'éd boules éd neiches pour coeuffer un four !!
samedi 9 septembre 2017
Aurélie
Aurélie al o six ans pi al réste à
Anmién
Chest ch'darin jour ed chés vagances ,
Aurélie :
Aprés-none o vont minger do's salade
éd fruits. O zz-a copés pi mis dins ch'plot … Achteure i n'o pu
qu'a mette cho's salade !!
*************************
Aurélie al vient d's éjuer aveuc un
calimuchon .
Bon , achteure éj vo m'laver més
mains , pasqu'il o raqué d'su mi !!
***************************
Cho't tchote famille à sprouméne in
ville . In passant dvant l'moaison d'un notaire , pi in aperchuvant
chu médaillon in heut d'cho'porte ; Aurélie al ésplique :
Oh , t'as vu , l'éstatue d'la liberté
al est assise !!
********************************
jeudi 7 septembre 2017
D'trop quérvé pour oeuvrer !
Bé lo ch'est toute , n'in vlo d'un
eute ! A s'passe mon chés Grands Bretons ( INGLAIS) La bos
quante chés ouvriérs is foait'té la bringue pi qu'is sont seu
conme dés polonais ; el linn-main si is ont la « geule de
bois « is n'ont mie pu dzoin d-dire a leu chéf qu'is ont du
mau à leu panche , o bien inne inchiférnure du diabe avoéc 40 ed
fiéfe pou n'poin travailler .
Fini chés mintiries pour rester a leu
baraque ; achteure is peut'té invoéyer à leu chéf aveuc leu
portabe un « Emoji biere » pi is vienne'té poin oeuvrer
et is peut'té l'foaire 4 foés din l'énnée ! Cha mérite un
molé d'asplique :
In vérité l'einterprise ch'est eune
application qu'al vind dés billeteries musicale . Alorss os
comprindez aisémint eq si chés impoyés is peut'té démucher dés
pratiques (clients) in allant à chés soérées , o bien à chés
concerts , cha intéréche ech patron .
Rindi rindo du brin d'vaques ch'est du
bouso
mardi 5 septembre 2017
ch'tchot résistant
A s'passe à Adville dins l'feubourg Rouvoy pindant l'otchupation .
Un détachmint d'soldats bottés ,casqués, is défiloait'te au pas d'zoie in tapant sés talons pi in acoutant à mzure conme d'habitude és canchon bassinante à répétition " ALLI ; ALLO "
Un tchot nazu qu'i s'treuvoait lo i s'met a ll'intonner à sin tour , mais comme li i l-l o intindu pér sés gins à leu moaison " ALLI , ALLO ...binde ed salauds ...!
Ech garde qu'i l'avoait comprins toute i l'étoait mawoés conme la gale !
Ch'tchot i sé nn'o appercheu et i l'o poin dmindé sin réste i l'o vite é vite décanillé !
Un détachmint d'soldats bottés ,casqués, is défiloait'te au pas d'zoie in tapant sés talons pi in acoutant à mzure conme d'habitude és canchon bassinante à répétition " ALLI ; ALLO "
Un tchot nazu qu'i s'treuvoait lo i s'met a ll'intonner à sin tour , mais comme li i l-l o intindu pér sés gins à leu moaison " ALLI , ALLO ...binde ed salauds ...!
Ech garde qu'i l'avoait comprins toute i l'étoait mawoés conme la gale !
Ch'tchot i sé nn'o appercheu et i l'o poin dmindé sin réste i l'o vite é vite décanillé !
dimanche 3 septembre 2017
Un whisky à 8 733 €
Soin , cha n'est mie el prix d'cho'b boutéle . 9.999 Francs Suisse (8 733 € ) ch'est cho qu'un Chinoés in vagances à St Moritz à dépeinsé pour laper un VERRE ed MACALLAN millésimé 1878 .
Cho'b boutéle qu'al étoait bien au rado* dins cho'c cave ed l'hôtel edpis 1905 n'avoait coér janmoés té ouvert .
Le macallan ch'est chu whisky eq James Bond i l'o l'plus quére *.
Os m'avourez qu'cha foait quèr* el verre qua-ménme , ch'est un r'cord ! Un r'cord qu'os voérons biétôt d'sur WHISKYPÉDIA !! ( PDMM)
*Au rado = A l'abri
*Quére = Aime
*Quèr = Cher
Cho'b boutéle qu'al étoait bien au rado* dins cho'c cave ed l'hôtel edpis 1905 n'avoait coér janmoés té ouvert .
Le macallan ch'est chu whisky eq James Bond i l'o l'plus quére *.
Os m'avourez qu'cha foait quèr* el verre qua-ménme , ch'est un r'cord ! Un r'cord qu'os voérons biétôt d'sur WHISKYPÉDIA !! ( PDMM)
*Au rado = A l'abri
*Quére = Aime
*Quèr = Cher
samedi 2 septembre 2017
Zéf in vagances
Dit conme cho cha foait un molé conme " Martine à la plage " Nan!? ( PDMM)
Marche , a l'heure o tartous chés gins is ont r'prind leu ouvrage , a l'heure o chés nazus is rimplich'té leu carnasse ed leu plus bieux créhons* , pi cahiers ; mi ez-Zéf ej pérs in vagances ... Oh j'én m'in vais poin au diablé-vert conme tous chés patrons dins chés iles !
Nan; ej vais ; einfin , os allons piq* y-o min blanc bonnet ; os allons à Merlimont ; la dou qu'i n'y-o poin d'moaisons ( ch'est cho qu'o disoait dins l'temps ; du temps d'Mathiusalé) dins l'sud ed la côte d'opale a côté d'Berck pour chétlo qu'is connoait'té poin ! Os pértons éne tchote-quinzaine.
Malheureusmint os érez moins d'billets à lire ; non poin qu'ej seuche un tcheurfailli quante ej su in r'pos , mais la d'où qu'os allons n'y-o poin d'WI-FI ; édon i feuro qué j'voaiche mon ch'l office ed chés horzains* pour récouer un molé d'internet ; tout cho est fin bien mais figurez vous qu'os ons l'droét qu'a inne heure pér jour !
Siq'os voulez un molé plus ed lirie* allez ranser dins ch'blog ed min camarate ED " HUMEUR ET PLAISI " os trouvarez d'quoé vous continter ; o bien dins mes viux billets y-o d'quoé foaire i nn'o pus d'un chint !
Boén wouiquéne à tartous pi à biétôt , conme dé bien y-éroait coér un molé d'nouvieu .
Créhons = Crayons
*Piq = Puisque
*Office ed chés horzains = Office du tourisme
*Lirie = Lecture
Marche , a l'heure o tartous chés gins is ont r'prind leu ouvrage , a l'heure o chés nazus is rimplich'té leu carnasse ed leu plus bieux créhons* , pi cahiers ; mi ez-Zéf ej pérs in vagances ... Oh j'én m'in vais poin au diablé-vert conme tous chés patrons dins chés iles !
Nan; ej vais ; einfin , os allons piq* y-o min blanc bonnet ; os allons à Merlimont ; la dou qu'i n'y-o poin d'moaisons ( ch'est cho qu'o disoait dins l'temps ; du temps d'Mathiusalé) dins l'sud ed la côte d'opale a côté d'Berck pour chétlo qu'is connoait'té poin ! Os pértons éne tchote-quinzaine.
Malheureusmint os érez moins d'billets à lire ; non poin qu'ej seuche un tcheurfailli quante ej su in r'pos , mais la d'où qu'os allons n'y-o poin d'WI-FI ; édon i feuro qué j'voaiche mon ch'l office ed chés horzains* pour récouer un molé d'internet ; tout cho est fin bien mais figurez vous qu'os ons l'droét qu'a inne heure pér jour !
Siq'os voulez un molé plus ed lirie* allez ranser dins ch'blog ed min camarate ED " HUMEUR ET PLAISI " os trouvarez d'quoé vous continter ; o bien dins mes viux billets y-o d'quoé foaire i nn'o pus d'un chint !
Boén wouiquéne à tartous pi à biétôt , conme dé bien y-éroait coér un molé d'nouvieu .
Créhons = Crayons
*Piq = Puisque
*Office ed chés horzains = Office du tourisme
*Lirie = Lecture
Inscription à :
Articles (Atom)