Un rute métier

Feudroait dire à ch'gouvernemint qu'i sroait temps d'imbaucher dés blouses blanques . Sin cha ceux qu'is rest'te is vont finir a ches ' urgences " !!!!!!!!!

Pourcacher chés monts d'glaches

Tartous on s'raminteuve dé ch'titanic qu'i a chambuquéï un mont d'glache . Du coup ch'est in voéyant dériver chés "icebergs" , qu'un sud africain i l' a yeu l'idée un molé braque ed récouer cho'g glache in l'détornant d'sin cmint , pi dé z'zés parquer in baie d'Saint Héléne .

Feut dire eq cho'v ville du Cap al mainque d'ieuy' ; édon un blog ed glache d'un kilométe éd long , pour chinq chint d'largue su deux chint métes dé heut , cha bailleroait pu d'chon chinquante lites d'ieuy' pér jour .
Feut i éte un molé "givréï " pour avoér busiéï à cho ; m'enfin, n'in vlo un qu'i n'mainque poin d'gingin!

Feut poin s'bérlurer

Inclanéï din l'soute

És file à n'n est résteï béc é borne un boin momint d'eune affoaire paréle .
Figurez vous qu'sin pére ed 77ans d'age un bieu jour i l'l appelle au téléphone pour i dire qu'il est inclanéï din l'soute din bus édpus inne dijaines ed minutes .

Ahite* , ahite , és file al appelle chés cadoreux pour qu'is arrét'te ech bus pasqu'i cminche à fouére inne caleure du diabe , et sin pére i est alotéï  la d'din . Pinsez don cha s'passe à Nouméa , chés coeuchies la bas ch'est poin cho'n nationale 7 in France .
Inne foés ch'bus arrétéï ech paure honme i l'o éspliquéï à chés gindarmes qu'i savoait intiquéï din l'soute pour raveinne* sin bagage . Ch'méneu d'bus n'voéyant pérsonne din sin rétro-miloér* , i l'a r'freumeï cho'p porte . (sin patron i l'l a bouter a l'ouste ) …

Grand pére li i va fin bien , un peu d'mau à sin dou* qua- minme . I l'a déclaquéï à chés gindarmes : Ch'est coér puss pire qu'ed fouére l'Australie in Kangourou !


*Ahite = Vite
*Rétro-miloére = Rétroviseur
*Raveinne = Tirer vers soi
*Dou = Dos

Bravo "les bleus"

Chés croates i n' nont vu dés grize aveuc chés bleus !!!


  CHÉS GUÉRNOULES CHA FOAIT CROATE …

PI CHÉS FRANCAIS IS MAQU'T -é CHÉS GUÉRNOULES

édu qu'is sont chés tontons flingueurs

Siq Lino Ventura i sroait coér pérmi nouzote i diroait " les cons sa osent toute ch'est à coeuse ed cha qu'on z'zés r'connoait"

A Montauban à l'intrée d'cho'v ville in plein miyu d'inne tarte , n'y avoait inne éstatue des tontons flingueurs  ; B Blier , J Lefebvre , alias Raoul pi Paul Volfoni .
Inne binde d'agripeux is l'l ont barboté . El ville al est préte à poayer inne rançon pour érvir ses tontons flingueurs !
Ch'est Lino Ventura din ch'film qu'avoait dit : On ne devrait janmoés quitter Montauban !

Dany Boon foait ein cadeau

Do'b biére ed no poéyis

Edpus inne coupe ed moés ech cabaret d'l asseimblée nationale i l'a écangeï ech'verre ed vin por inne chope ed bière .

Ch'est deux nouvelles bières ed région qu'ont été cujit : La sant Erwann , qu'a s'déssaque tout droét d'chés bretons ; et pi la moulins d'asq qu'al est brassée din l'Nord . Ech patron i dit qu'pour 12 fûts , i n'guégne poin miroule ; mais cha li foait tojours inne boéne réclame .

Os tu prins sés croquettes ?

In ch'momint quante on dit bresil on pinse tout d'suite à ch'football. Mais la nan, ej va vous dviser d'un brésïen qu'i vient d'divorcer , cha arrive tout lés jours qu'os vous disez seurmint , hormis qu'la ech't honme i réclame el garde ed sin tchien , un York shire terrier . Si seulmint s'n ancienne bonne amie al l'auroait laicher vir ed temps en temps , is n'in sroait'te poin la touté-deux à s'ahouper à ch'tribunal , népoint !!

Mais s'n éx-fenme al a du mordant , adon li il a été obligé d'sortir chés crocs !!
Pour n'in définir ech tribunal i l'o décidéï qué ch't honme i pouroait vir sin tchien tout chés wouiquénes pi durant chés fêtes ed fin d'énnéïe . Un bieu cadeau pou ch't honme .

Ch'dalot

Hélas ch'est la qu'est l'os

Nan mais din qué monne on vit ! Dés poulets qu'is torne't-é dvant eune boucherie chartchuterie cha n'est poin rére pi cha ratrinne un boin sintimint din vou niflettes

Hormis qu'la chés poulets don j'vous cause is n'sont poin à maquer  Nan, eusse chés des policiers qu'is milt't-é chés boutiques ed chés bouchers.  Edpus inne coupe ed jours , n'y-o des malfaisants qu'is berzille't-é leu boutique , is ésquint't-é chés pancartes ed réclames , is pintur't-é chés murs , pi gramint d'éclichures* ed "faux sang"

I sanne à vir qu'a sroait chés végans qu'is voudroait't qu'on n'maque pu qu'do'v vianne , a coeuse do'm maniére eq chés bétails is sont élvés  Pour sur qu'i a des progrès à fouére din chés élevaches , Mais ed la à nos fouére mier do'f fourée , cha n'a mie d'sins . Marche ; os in " PALERON" ein eute jour !!!!

*Eclichures = Eclaboussures

Falloait qu'a seuche dit

On n'in voét d'drole din chés gazettes . Au matin j'én povoais mie z'zes louper chés deux infos piq'is étoait't cote-cote* !

In preume , os vous éte déjo rindu à l'hosto , obien din chés grands magazins , pi la su ch'parkine vous étou os avez djo été surprins ed vir qu'i n'y o d'z hocleux qu'is prind't-é deux plaches pou s'garer . Bin atombé , ech't honme (qu'i l'étoait mal garé) i l'arvient ; et ch'journalisse i li dminde a coeuse qu'i prind deux plaches . I y-o déclaqué : Bin , pachque quante ej su t'arrivé , l'auto à coté d'mi al avoait prins deux plaches étou !  Mi j'dis qu'cha ch'est do'r réponse !!!!!!!!!!!!

El deuziéme info al vaut sin pésant d'cacahuéte . Bé , in ch'momint su l'cote d'opale os avons dés timpératures conme din l'midi , unne caleur du diape ; alorss os pinsez bien qu'tous chés gins is vont foaire bisir* leu couénes , maquer unne glache , o bien unne frite ! Parlons n'en dés frites ; diminche passé au vrépe inne partique* al s'aboule dvant cho'b baraque à frites , et quoé qu'on prins quante on va dins eune baraque à frites on prins dés frites . Hormis qu'la ech vindeu i dit a ch'client : Os ons pu d'frites , télmint qu'i o yeu d'monne ;  on est dévalisaye !!!!!  Marche , vlo inne baraque qu'i n'a pu la FRITE.

*Cote-cote = Côte à côte
*Bisir = Bronzer
*Pratique = Client