Un chameau ch'est maucoeurant

Din ch'desert in exporateur i foait d'recherches ,

Au bout d'troés moés i n'in peut pus i s'in va vir el chef dé ch'campemint touareg ,

• Dis me un molé grand chéf , ej sus tout seu d'pis troés moés , t'éroais poin inne bélle pouillette à m'proposer ??
• Prins l'chameau drierre chés tentes
• Nan mais cha n'va poin ; un chameau ch'est dégeulasse !
  I s'in va , tout romion,nant ,,,, Mais quéques moés pus térd , ch'est d'pus in pus pire !
  -Grand chéf ej sus tout seu d'pis six moés , t'éroais poin unne fénme pour mi ?
• Prins l'chameau drierre chés tentes .
  N'y tenant pus i va vir el chameau , pi i li foait s'n affoaire ,,,
  Pi i s'radine vers el chéf dé ch'campemint,
• Acoute , ch'que té m'as dit d'fouére la , ch'étoait ch'premier pi ch'darin coup , pachque ch'étoait vraimint maucoeurant (répugnant) !
• Mais , el chameau ch'étoait pour ti aller in ville !!

Adou qu'o s'in va ...

Li din chu jornal ..

Unne moule frite à 19 € à wissant su l'cote d'opale ! I sanne à vir qu'édpus inne cope d'énnée su la côte , chés prix din chés restaurants is grimp't-é coér pu vite eq chés témpératures !
Nouzote ichi inter chés 2 caps (banc nez , gris nez ) , os ons gramint d'belges , qu'is viend't-é pachqu'is dit'te eq nou côte al gramint moins béton.néïe eq leu côte a eux , ch'est pus "sauvage " conme o dit coér a mzure !
…

Et pi in deuze él moule frite ale est à 10 € ...Mais cha ch'étoait y a gramint du témps , du témps qu'chés agaches is fsoait'te coér du patin roulettes ...
Ayez soin , ayez soin , amis réstaurateurs dé n'poin prinde chés z'horzins * pour des vaques à lait !


*Horzins = Touristes , étrangers (au village)

Fouére fiate à chés gins

Bonduelle 26 ans d'age , ch'est un maqué* d'fleurs édpis sin pus jone ache . I l'o yeu inne idée poin ordinaire conme diroait sin banquier qu'i l'l o prind pour un mitan d'fou dé s'lancher din unne affoaire paréle .

Fuche ; chés pécaillons is ont té avainchés pér chol banque ; pi no z'honme i l'o pu acater quéques piéches ed terre pour ahanser* sin projet . Qué projet qu'os vos disez seurmint !?

Bén ch'est simpe conme bonjour , si os prindez la route des caps (blanc nez et gris nez) à un momint vers sangatte et Audinghen os voérez un panneau avoék mérqué d'sus "libre service " , i n'a un viux bunquer pi quiqueq vaques au loin . Mais à droté dé l'coeuchie* , des chint pi des chint d'tournesol qu'i s'don.ne'te à ch'solé ; au coté d'ranguies d'dalhias , pi d'glaïeuls .

Adon , os pouvez vous arter pi n'in cueillir inne sécants mps d'fleurs in libre-service . Os n'éte poin milés , mais n'y a qua-minme unne urne avuc inne tchote plancarte * qu'al indique chés tarifs ( mi-tant moins quére eq chés fleurisses) , pi feut étou qué ch't honme i vife dé s'passion . I sanne à vir eq tout i l'est basé su l'confianche ed chés gins , et pi cha marche .

Alorss à coeuse qu'os n'iroéte poin vous étou cueillir vo fleurs !! Chonq uros pour 8 tiges ed tournésol . No unne pipe ; cha n'est pon fréyeux !

Chés drones sauveteux

El sud el la côte d'opale i s'in ramintuve* coér dé ch'malheur qu'i s'a abattu su chol commune ed Berck in fevriér 2018 , ouéche qu'un coupe d'ancien boulinger berckoés z'ont pérdu la vie in baie d'authie , incercléïe pér cho'm mer .

Du coup, suite à cha  un pompier étaploés , qu'i l'est étou présideint d'unne achuchuon* d'un groupe d'éscours et catastrophe i l'a maginé* un drone capape ed lérguer  dés bouées d'seuvetache  in mér .

Fort utile pér grand coéffidients d'mérées , o bien pér bieu temps pi qu'chés plaches is n'sont poin coér guetté pér chés pér chés sauveteux in mér .

Edvant tout ch'est pour fouére do'p préveintion , mais si n'y a inne gin qu'i l'a bzoin d'ayude * , ech drone i lérgue inne bouée qu'al va s'gonffler tout seu , et rapurer* chol victime in attindant chés scours !!

Ej va d'ou qu'ej veux

L'l histoére la à s'passe à ch'bout d'chés z'énnées 70 début 80 . Os sommes maison dé m'Grand-mére à Groffliers à 1 ou 2 lius d'Berck direction Adville .
I foait coeud o n'est din chés bieux jours mi-julliet probabe .ch't énnée chi , ch'est michoui , ch'est poin tout l' z'ans parél pi qu'l an passéïe os étoéme réunis alintour d'unne mérre* pour inne boéne pértie d'péque !
Mais conme diroait ch'bérquer ; r'vénons à no bérbis à ch'michoui .
…

Amon d'més grands-péreints n'y avoait un beudet , j'mé rameinteuve pu d'sin nom , bréf , su lés coup d'quatre heures d'érmontés* ; Gontran ém n'onke i s'avoait installé su ch'beudet mais i n'étoait poin conme vous pi mi torné du minme sins qué ch'beudet . Léontine ém tante qu'al n'a poin s'lanque din s'poke al i dit conme cha :
- Hé Gontran , ch'est i qu't éroais coér bu un coeup d'trop ? Té n'voés don poin qu'té montéïe à l'invers ?
- Tais te hé maldisante . Té n'sais minme poin ed qué côté qué j'veux aller !!!😂😂


*Mérre = Marre
*D'ermontée = L'aprés-midi

Tin bleu maintieuw

Asseuré qu'i n'n a granmint in Normaindie . Mais din chés heuts d'france os n'n avons étou dés grands champs de lin .

Spéctaque manifique , mais grouillez vous pou l'vir , pachque d'ichi inne coupe ed jours cha sra cho'r récolte . Pi cha sra la fin du lin !!

J'connos min blanc bonnet !

Un honme i s'in va mon ch'commissariat pour signaler l'disparition dé s'fénme . Quiques jours pér aprés un inspecteur i li téléfon.ne pour li annoncher inne boéne nouvielle :

- Monsieur os avons r'treuvéïe vou fénme !

- Ah ! et quoé qu'ch'est qu'al à dit ??

- Rien .

- Ah , bén os pouvez éte seur eq ch'est poin m'fénme ...

Chés ballons du héron

Prinde un molé d'heuteur , pou ch'pont d' l Ascension .

Ojourd'hui diminche ed 6h oo au matin dusqu'a 6h30 au vrépe , os povez vous rinde à chés mongolfiades du héron su la plaine du canteleu à Villeneuve d'Ascq .

Inne tchote vingtaine ed ballons is pértiront tartous insanne .

Quiques animations sont prévus : Sculpteu d'ballons , Fanfares . Probabe qu'i-y éra inne buvette pour vos déssoéler (calmer la soif) !! Mais duchint ch'beure qua-minme ; maginez un molé qu'chés cadoreux is vous foaich't-é souffler din ch'BALLON au monmint d'vos rin-aller !! 😉

Chés trottinettes , chés planques à reules pi tout ch'diabe sans train

Ha ; chés trottinettes , l'eute coeup cha m'a bin foait risoter din mes bérbes !
J'alleume ech poste éd télé pi ch'étoait d'z informations in continue conme is dit't , pi la j'li ch'tchot ruban qu'i défile in bos d'min cassis * et j'voés d'mérquéïe : Trottinettes interdit à chés nazus d'moins d'huit ans !!😲🤔 .
Ah bén chéllale al est roaide !! Trottinettes interdit aux moins d'huit ans ! J'avoais pourtant idée qu'chés planques à reules , patin à roulettes , pi trottinettes , justemint qu'étoait foait pour chés tchots !

Inne coupe d'heures pus térd j'ai sus ch'bout qui va dvant ; i sanne à vir qué ch'que 'j avoais li , étoait réservéïe seulmint à chés trotinnettes "aléctric " .
Mais os m'avourez qua-minme eq dés qu'chés grannes personnes is fout't-é leu pattes din lés z'affaires dés plus tchots cha fini tojours à l'bérdandouille * . Népoint !!

Prindez pér égzémpes chés poupées , pour chés tchotes pouillettes , qu'a z'z afult'te* avoék gout , qu'a z'zés nippes* ; qu'a z'zés cange , qu'a leu don.ne à mier conme inne vraie manman ! Bén quoé qu'ch'est qu'is n'n ont foait chés pus grands ? …. Dés poupées gonflapes !! Qué vie , qué siéc !!

*Cassis = Petit carreau (ici écran de télé)
*Bérdandouille = En désordre , a vau lau
*Affuler = Coiffer
*Nipper = Habiller

4

Un coulon flashé

Os connaichez ti Bocholt ? Ch'est un tchot poéyis la bos mon chés Allminds . Din ch'poéyis la , cho'v vitéche al est limitéïe à 30 km/h .

Diu dé diu l'eute jour ech radar i s'affole ...45 km/h !! Ahite* ahite chés gindarmes is r'béy't-é chés imaches pour i drécher un procé verbau  ! Pi la quoé qu'is voét'te ? UN COULON !
Chés cadoreux is ont té r'coeuchés ! Crénon dés z'os ; o nos prins vraimint pour des pingeons .

*Ahite = Vite

Épeutnards nipons

Din un tchot poéyis à 500 Km ed tokyo à Nagaro o peut vir un peu tout pértout din ch'villache dés mannequins grands conme dés gins .
Ch'est MR Ayano qu'i l'a yeu l'idée pour érdonner d'la vie à sin poéyis qu'i cminchoait dé s'dépeupler .
Mr Ayano i raconte :
…

Un bieu jour ém fénme al avoait mis ein épeutnard din ch'courti pour épaveuder chés oésieux , al l'avoait arnéquéïe avu d'z effets* à mi . Du coup quante més voésins is passoait't , is m'saluoait't aveuc leu main in pinsant qu'ch'étoait mi . Pi vlo comint qu'din ch'villache asteure os n'sommes pu 27 mais cazi 300 !!


*Effets = Habits

Afficher la suite

5

Fouére el "PLEIN" d'santé

A Naftalan unne tchote ville à troés chint kilométes ed cho'c capaitale ed l'Azerbaïdjan , n'y avoait un chameau éstourbi cazimint mort , tout du moins ch'est cha qu'chés habitants is pinsoait't . Mais fil à msure dés jours ech bétail à 2 boches i guérichoait , i s'értapoait tout seu ; dusqu'a s'rétampir* su ses pattes .

Tout ébeubis , étombis chés habitants is ont caché à savoér ech bout qu'i va dvant , et à forche ed cacher is ont treuvéïe .
Ech chameau i l'étoait allongéïe à côté d'inne flaque ed pétrole ; un pétrole un molé différeint dés z'eutes , pu épais , pi imprope à chés usaches commercials traditionnels ed chés hydrocarbures .

Chés blouses blanques is l'l ont étudiéïe pi is leu z'ont apperchu qu'ech pétrole i bailloait * d'l ayude * pour sogner chés maladies d'pieu , ed chés z'oches , et d'chés musques , pi coér inne sécant d'eutes coses .

Bréf à cha ! Un pétrole miraculeux . Unne affoaire poin ORDINAIRE , ch'est SUPER nan ? !! Bon j'arréte la pachque ch'plein i est foait !!!!

*S'rétampir = Se redresser
*Bailler = Donner
*D'l ayude = De l'aide

Chés fénmes et l'mécanique

Unne fénme rinte à s'maison pi al dit à s'n honme :

- Chéri , y-a inne saquoé qu'i n'va poin aveuc cho'v voéture . Al va pu , pus moéyén d'démarrer .
- Bén n'in vla d'un eute , quoé qu'i a bien pu s'passer , al rouloait fin bien hier tout l'jornée ?!
- J'ai idée qu'i a doï ieu din ch'carburateur .
- Vla qu'asteure tu ti connos in mécanique ti !! Et porquoé qu'i éroait doï ieu din ch'carburateur ? Pi d'abord ouéche qu'al est cho'c carette ??
- Din l'piscine ...

Ed l ouvrache ed princesse

Cha pouroait fouére rêver .

45000 € . Cha n'est mie ch'que j'ai guégnéïe à l'tirlotrie , o bien à chés grattaches . Nan; 45000 € ch'est l'salaire pour unne énnée qu'un coupe d'Inglés is veut't-é don.ner à leu nounou . Pour seur qu'ch'est bien payéïe ; mais feut don.ner d'li-minme* . Béyez un molé :

In preume ch'est pour sogner des jumelles . déjo aveuc des "jumelles" is dvroait't vos vir arriver d'loin aveuc vo grands sabots .😊 .
I feut avoér un molé d'éspériénche ( 2 ans) . Aller racacher chés filles aprés l'école quate jours pér ésmangne* . Ahanser* dés jux ; avoér inne formation d'éscouriste . Préparer ch'diner , pi l'souper . Et surtout és deguiser in PRINCESSE DISNEY 😲 , s'ingager din ch'personnache pour amuser chés gins d'cho'm maison . Pi un ramindo* , i n'feut poin t'éte érgardant su chés heures . ch'est-i inne vie d'princesse cha ? !!!

*Li minme = Soi même
*-Ésmangne = Semaine
*Ahanser = Construire , organiser
*In ramindo = En plus , en supplément

5

CATHERINE A N'O POINT D'Q

- Tchot doére , ti qu't es savant , tu vos m'foaire un plaisi .
- J'veux bien Phrasie
- Tu vos m'écrire su ch'bout d'papier- lo l'adréche dé m'soeur Catherine , tu sais cholle grosse feume qu'alle reste à l'pointe du Hordé , à d'ou qué s'n honme il est ménuisier .
- Ah ! oui , jé l'connoais .
Ch'l éfant i preind l'porté-pleume éque Phrasie à li donne , et pis l'v'lo in route à écrire l'adrèche ed Catherine
Quand qu'il o ieu fini , i dit conme o à Phrasie :
- Ch'est -i bien ?
L'eute a r'baie ch'papieu :
- I m'sanne eq t'os mis un " Q" à Catherine . A m'n idée Catherine à n'o point d'Q
V'lo tchot doére parti à rire conme un bochu .
Quoi qui té r'passe ? Qua d'manne Phrasie .
- O v'neu d'dire qu'vo soeur Catherine à n'o point d'cu . O n'l aveu don jamoais ravisée ? Si alle posoait s'pleine leune su vo figure , o n'n éroète la respiration copée ...

Pierre Azeu

4 commentairesVu par 9 personnes

J’aime

J’aime

J’adore

Haha

Wouah

Triste

Grrr

Commenter

Commentaires

•