A vos o djo arrivé d'vos foaire barboter * vo lettes o bien a mzure vo colis din vo boéte a lettes ? Coér bien qu'mi j'a tours été au rado* d'inne ruse paréle . Édon c'mint foaire si qu'cho m'arriveroait ?
J'va tout d'minme poin miler pér nuit ch'déroufleu sans savoér si qu'ej voérais l'bout d'sin musieu !
N'y-o inne gin à Montpellier i l'o treuvé ch'bout qu'i vo dvant pour pequer* sin voleu d'courrier , pi d'colis , inne histoére qu'a trainoait d'pis 1 moés . I l'o bouté* un éméteur din un colis qu'i l'o aplaché li-minme din s'boéte ; et dés qué ch'colis i s'o mit à bouger ch't honme i l'o été averti pér un " BIP"
Ahite , ahite * i l'o dévalé chés éscaïers pour s'értreuver néz a néz avu ch'voleu qu'i habitoait din ch'batimint
Oz voéro d'toute , voler dés lettes feut i éte... timbré !!
*Barboter = Voler , prendre
*Au rado = A l'abri ( plus souvent employé pour dire de se mettre à l'abri du vent ou de la pluie)
*Pequer = Attraper , prendre
*Bouter = Mit
*Ahite = Vite
Bonjour tertous , j'a crée ch'blog pour tous ceux qu'is ont quére cho'l langue Picarde . Ej veux moutrer ichi qu'in Picard oz peut bérdler ed toute sans t'éte malhonnéte , ni foaire dél réclame pi in esséyant dé n'poin nommer chés gins . Mais os n'oublirons poin d'rigoler . Alors' , OZ-Y-VO !!
dimanche 30 avril 2017
samedi 29 avril 2017
Insépérabe !
Oz n'nous coupero poin in deux . Ch'est su sés mots qu'chés sœurs siamoises ed 16 ans ont décidé dé n'poin t'éte déssépéré*. Feut dire étou qu'is n'ont qu'deux gambes alors' ej comprins qu'is térint'te* un molé (molé ...sans ju d'mot) ... Adon is ont 4 bros et cha n'doét mie éte aisié ed treuver dés tricots à 4 manches .
M'infin* is l'vive'té bien , is sont bien din "sa peau" si j'pux dire ainsin . Bin atombé qu'is veut'té foaire el minme métier ; sogner chés bétails , eq ch'est un bieu métier .
Is ont étou quére ed juer du piano ...à quate man.ye* bien seur !
*déssepérer = Séparer
*térinte un molé = Hésite un peu
* M'infin = Mais enfin
*Man.ye = main . selon les coins on peut lire " mon ou man " Pour ma part j'ai rajouté le " .ye" (local) Car dans le Montreuillois on prononce " Man'ye "
M'infin* is l'vive'té bien , is sont bien din "sa peau" si j'pux dire ainsin . Bin atombé qu'is veut'té foaire el minme métier ; sogner chés bétails , eq ch'est un bieu métier .
Is ont étou quére ed juer du piano ...à quate man.ye* bien seur !
*déssepérer = Séparer
*térinte un molé = Hésite un peu
* M'infin = Mais enfin
*Man.ye = main . selon les coins on peut lire " mon ou man " Pour ma part j'ai rajouté le " .ye" (local) Car dans le Montreuillois on prononce " Man'ye "
vendredi 28 avril 2017
Chint ans ; chint métes
Inne Indiénne ed 101 ans al o rimporté ch'tite ed chu 100 métes din cho'c catégorie dés chintenaires à chés ju mondials dés Maites in Nouvelle Zélande
Os m'direz al o poin yeu d'mau pisque din s'catégorie dés pus d'chint ans al étoait tout seu* . Al o pércouru cho'd distance in 1'14 ( 64 ésgondes ed puss qu'Usain Bolt chu champion du monne ) ...
Coér héreux qu'i n'y avoait poin éne haye* à ch'bout dé ch'parcour sin cha is éroait't pus nos l'foaire claquer nou tchote grand-mére , paure fenme !
Atandis ch'temps lo , cha n l'o mie impéché ed nos foaire inne tchoté danse avu s'médale ahoquée* à sin co pi sin drapieu su s'cawouéte . Coér bravo à cho'f fenme lo , tout l'monne n'él foait poin .
*Seu = Seule
*Haye = Haie
*Ahoquée = Suspendue
Os m'direz al o poin yeu d'mau pisque din s'catégorie dés pus d'chint ans al étoait tout seu* . Al o pércouru cho'd distance in 1'14 ( 64 ésgondes ed puss qu'Usain Bolt chu champion du monne ) ...
Coér héreux qu'i n'y avoait poin éne haye* à ch'bout dé ch'parcour sin cha is éroait't pus nos l'foaire claquer nou tchote grand-mére , paure fenme !
Atandis ch'temps lo , cha n l'o mie impéché ed nos foaire inne tchoté danse avu s'médale ahoquée* à sin co pi sin drapieu su s'cawouéte . Coér bravo à cho'f fenme lo , tout l'monne n'él foait poin .
*Seu = Seule
*Haye = Haie
*Ahoquée = Suspendue
jeudi 27 avril 2017
Poin d'feusse notes !
Martin ch'est un Inglais , eq sin métier à ch't honme lo ch'est accordeu d'piano . Un bieu jour alors' qu'i l'est applé din eune école pour raccorder un piano , vlo ti poin qu'i démuche* inne chintaine ed piéches d'or et d'argeint ed l'Epoque Victoriénne qu'is étoait'té bien camuchés d'sous chés touches dé ch'piano droét ed 110 ans .
N'y-in o pour 900 Souverains d'or et d'argeint , qu'a r'présinte inter 330 000 et 550 000 €. Cho'b boéne nouvélle ch'est qu'i sanne à vir qu'a seuche Martin (ch'réparateu) qu'i n'in proufitro dé ch'magot . Pi qu'ech l'école al est mie capabe d'értreuver ch'propriétaire dé ch'piano .
J'o idée qu'Martin i l'éroait pu dire : Cré bonsoér ; ben lo ch'est dés pécaillons* FA-SI-LA- guégner !
*Démuche = Trouve
*Pécaillons = Argent
N'y-in o pour 900 Souverains d'or et d'argeint , qu'a r'présinte inter 330 000 et 550 000 €. Cho'b boéne nouvélle ch'est qu'i sanne à vir qu'a seuche Martin (ch'réparateu) qu'i n'in proufitro dé ch'magot . Pi qu'ech l'école al est mie capabe d'értreuver ch'propriétaire dé ch'piano .
J'o idée qu'Martin i l'éroait pu dire : Cré bonsoér ; ben lo ch'est dés pécaillons* FA-SI-LA- guégner !
*Démuche = Trouve
*Pécaillons = Argent
mercredi 26 avril 2017
Becoter ch'est guégné !
dés concours , dés ju din chés gazettes i nn'o a houle* , cha m'foait rire . Bée , prindez ch'darin qu'j o li a l'pointelette .
Ch'est des gaziers* qu'is sont tertous lo alintour d'inne auto , pi durant d'z heures pi dés heures is doét'té l'becoter ! Is ont l'droét d'joquer* 10 minutes au bout d'chaque heure .
Adon , quante is r'prind'té leu imbrassage is doét'té canger d'plache pisqu'i n'y-o inne gin avuc éne loque qu'al nétchie* fil à mzure cho'c carette pou n'poin qu'chés jueus is péqu'te * inne inchifernure o bien inne grippe ed leu breules * .
Pour guégner ch'l auto i feut éte ech darin . Si pér après chinquante heures ed bécotage , i n'in resse coér inne secant , adon ch'guégnant i sro tiré au hasérd !!
Ben mi quante ej rinte d'œuvrer , ch'est mie à m'n auto qué j'foais un béc ; mais à m'fenme .... Oué mais feut dire étou qu'al o d'bieus parchocs !! PDMM *
*A houle = Beaucoup (se dit surtout dans le sud de la côte d'opale)
*Gaziers = Individus
*Joquer = Repos
*Pequer= Attraper
*Breule = Vicére : Ici employé dans le sens d'intestin
*PDMM = Piche din mes maronnes ( Pour eviter le " LOL " pas assez Picard à mon gout )
Ch'est des gaziers* qu'is sont tertous lo alintour d'inne auto , pi durant d'z heures pi dés heures is doét'té l'becoter ! Is ont l'droét d'joquer* 10 minutes au bout d'chaque heure .
Adon , quante is r'prind'té leu imbrassage is doét'té canger d'plache pisqu'i n'y-o inne gin avuc éne loque qu'al nétchie* fil à mzure cho'c carette pou n'poin qu'chés jueus is péqu'te * inne inchifernure o bien inne grippe ed leu breules * .
Pour guégner ch'l auto i feut éte ech darin . Si pér après chinquante heures ed bécotage , i n'in resse coér inne secant , adon ch'guégnant i sro tiré au hasérd !!
Ben mi quante ej rinte d'œuvrer , ch'est mie à m'n auto qué j'foais un béc ; mais à m'fenme .... Oué mais feut dire étou qu'al o d'bieus parchocs !! PDMM *
*A houle = Beaucoup (se dit surtout dans le sud de la côte d'opale)
*Gaziers = Individus
*Joquer = Repos
*Pequer= Attraper
*Breule = Vicére : Ici employé dans le sens d'intestin
*PDMM = Piche din mes maronnes ( Pour eviter le " LOL " pas assez Picard à mon gout )
mardi 25 avril 2017
Mingez dés eus
Al éro pu d'mau à sés dints! Cho'f fenme el pus agé du monne al vient d'rinvaler s'n alouette* smainne passé . Eune Itaïenne qu'est défunctée a 117 ans; chu r'cord ed Jeanne Calmant i n'sro poin coér battu s'coup-chi .
Ch'étoait cho'd darinne parsonne su nou terre d'éte née dvant 1900 , al éro don connue troés siéques!J'n o qua-minme resté conme deux ronds d'flan quante j'ai li sin régime alimintaire baillé* pér sin métçin quanq'al o yeu sés 20 ans .
Al mingeoait foque troés eus pér jour , 2 crus et 1 tchuit , peu d'vianne , pi surtout poin granmint d'fruits et légueumes !! Ah ben lo, ch'est l'passe-route *; cha foait 30 ans qu'oz nos barzille no z'éuréles qu'i feut mier chonq fruits et légueumes pér jour , oué bernique*!!.....Bé, j'vo putôt m'acater dés glaines .
*Rinvaler s'n alouétte = luette = mourir
*Bailler = Donner
*Passe-route = C'est le comble
*Mier = Manger
*Bernique = Qui exprime la négation
*Rinvaler s'n alouétte = luette = mourir
*Bailler = Donner
*Passe-route = C'est le comble
*Mier = Manger
*Bernique = Qui exprime la négation
lundi 24 avril 2017
A voté !
23 / 21 Cha n'est mie ch'résultat d'un match ed volley -ball qué j'vos don.ne lo ; mais a quéques frouétes prés ch'est ch'résultat dé ch'prémier tour !
durant pus d'deux heures hier au soér is nos ont tartous dit qu'i falloait foaire BARAGE à la Marine .
Adon ch'coeup i est foait alorss ; si is veut'té couler la " Marine " os savons tchiéche qu'i sro no Présidént !
Oué , duchmint à ch'beurre attindons ch'darin tour qua-minme os n'sonme poin au rado d'inne surprinse ! Pér après Trump , pi ch'Bréxit ; j'ém déméfie !
m'infin i sanne à vir qu'os pouroéme bien avoér un Picard mon l Elysée !
durant pus d'deux heures hier au soér is nos ont tartous dit qu'i falloait foaire BARAGE à la Marine .
Adon ch'coeup i est foait alorss ; si is veut'té couler la " Marine " os savons tchiéche qu'i sro no Présidént !
Oué , duchmint à ch'beurre attindons ch'darin tour qua-minme os n'sonme poin au rado d'inne surprinse ! Pér après Trump , pi ch'Bréxit ; j'ém déméfie !
m'infin i sanne à vir qu'os pouroéme bien avoér un Picard mon l Elysée !
dimanche 23 avril 2017
Chés burieus d'votache
Cha y est os i sonme à ch'paté d'pronnes ! In -nhui chés Français in age ed voter ; is vot'te ; mi ej su't indiminché pi j'va i-aller din inne coupe d'heure jusse edvant none avuc min blanc bonnet !
Hier au vrépe j'ai intindu din ch'poste ed télé quiques commintaires su chés burieus d'votage , dénués d'boin sén ! J'voloais vos in fouaire proufiter , histoére ed sourire un molé :
- In preume ej sais poin si os avez r'mérqué mais os allons souvint voter din dés écoles ; j'ai idée si n'y-o granmint d'abstention ch'est qu'cha doét poin rappler d'boins souvnirs à sartains !!
- In deuze , quoé qu'cha nn'est qu'chés ridieus tout pourris ed chés isoloérs , os n'pourroéme poin avoér dés poéysages , inne saquoé d'pus racachant !
- Ej vouloais vos dire étou eq quanq qu'os srez inclané din ch'l isoloér si os voéyez 4 flashs , ch'est qu'os étes seurmint din un photomaton !
- Parél , si os voéyez quiqu'un s'débiller din ch'l isoloér ch'est qu'os éte edvant inne cabéne d'éssayache d'un grand magasin (ouvert el diminche ) !!
- Pi pou n'in définir , quante os avez mis vo bultin din l'urne , oz intind toudis l'minme phrase " A voté " ..... Ben , oz l'sait qu'oz o voté oz est v'nu pour cha nan ? !!
Adon cho qu'i nos froait el plus plaisi ch'est qu'après nos avoér dit A voté , cha s'roait qu'os nos diche MERCI
Vlo més gins , votez bien , mais votez surtout qu'chest gratiss ; el seul piéche qu'is vous feuro ch'est eune piéche d'idintité !!!!
Adé , ez Zéf
Hier au vrépe j'ai intindu din ch'poste ed télé quiques commintaires su chés burieus d'votage , dénués d'boin sén ! J'voloais vos in fouaire proufiter , histoére ed sourire un molé :
- In preume ej sais poin si os avez r'mérqué mais os allons souvint voter din dés écoles ; j'ai idée si n'y-o granmint d'abstention ch'est qu'cha doét poin rappler d'boins souvnirs à sartains !!
- In deuze , quoé qu'cha nn'est qu'chés ridieus tout pourris ed chés isoloérs , os n'pourroéme poin avoér dés poéysages , inne saquoé d'pus racachant !
- Ej vouloais vos dire étou eq quanq qu'os srez inclané din ch'l isoloér si os voéyez 4 flashs , ch'est qu'os étes seurmint din un photomaton !
- Parél , si os voéyez quiqu'un s'débiller din ch'l isoloér ch'est qu'os éte edvant inne cabéne d'éssayache d'un grand magasin (ouvert el diminche ) !!
- Pi pou n'in définir , quante os avez mis vo bultin din l'urne , oz intind toudis l'minme phrase " A voté " ..... Ben , oz l'sait qu'oz o voté oz est v'nu pour cha nan ? !!
Adon cho qu'i nos froait el plus plaisi ch'est qu'après nos avoér dit A voté , cha s'roait qu'os nos diche MERCI
Vlo més gins , votez bien , mais votez surtout qu'chest gratiss ; el seul piéche qu'is vous feuro ch'est eune piéche d'idintité !!!!
Adé , ez Zéf
samedi 22 avril 2017
Un papar térrorisse ?
I sanne à vir qu'a seuche
inne bérlure ed sin tayon* , quante i l'o dmindé chu VISA pour chés
States. A cho'q quéstion: Cachez vous a vos ingager din d'z
activités térrorisse , d'éspion,nage o bien d'sabotage. Ben ch't
honme i l'o coché cho'c case «OUI « pour sin tchot fiu!
Os éroéme pu n'in réster
lo mais ch'l ambassade Américaine al o décidé d'interpeller
ch'papar et dé l'intéroger durant eune dijaine d'heure ( a pér
pérler d'biberons sin cha j'voés mie d'quoé qu'is ont bien pu
dviser) …
Marchez , toute i fini bien
, grand'pére i l'o pu r'treuver sin tchot fiu pou l'cowater* un molé
edvant d'décoller pour la Floride! I nn'o qua-minme été quitte dé
s'poche pour racater un billet, 3 500€ tout d'minme!!
*Moucron = ici dans le sens
de bébé
*Tayon ou téhon = Grand
Pére
*Cowater = Choyer , dorloter
vendredi 21 avril 2017
Prins tés gouttes
Dés bulles din do-ïeu cha n'est mie nouvieu , tertous i connoait . Adon dés bulles sains rien alintour , ch'est curieux qua-minme . Ch'est dés goutte rimplies d'ieu... pététe bin qu'din 10 ans os n'trouvarons pu qu'cho din chés grands magasins . Pou l'momint veut miux poin aglaver* d'soé pisque cho'b bulle a n'foait qu'quate chintlilte .
Pou l'boére i feut treuer* cho'm meimbrane o bien gober cho'c capsule . Cha n'est foque do'g gélatine , du calcium, pi d'...z algues brunes .
Chés 3 jonnes qu'is ont rédé* inne cose paréle is pins'te éq cha va diminuer granmint cho'p polution d'chés océans raport à chés boutéles plastics . Os vos disez seurmint , bé ; cmint qu'is vont imballer chés bulles? seurmint poin din dés boutéles plastics , cha sroait à l'arbout* dé ch'boin sén !
Is ont busié à inne meimbrane parél a cho'g goutte d'ieu mais rut'mint pu épais pi pu solite pour ingloutir éne coupe ed bulles .
jeudi 20 avril 2017
J'o reuvé d'BURGER
Feut-i vraimint nn'avoér reuvé ? Qué lubrie qu'i y-o prins a ch'tchot Ricain ed l'Ohio agé d'huit ans ed vouloér prinne el VAN ed sin pére et d'édminder à s'sœur ed 4 ans dé vnir éc* li . Pi d'abord pou s'n aller adou ? Ben j'vo vos l'dire ...
Nou 2 lascarts is avoait't invie d'mier un burger . Ech'fiu i l'o don prins ch'l auto mais cmint foaire pour conduire quanq'oz o 8 ans ? Est aisié , n'y-o foque d'érbeyer su ch'l arnitoéle* ; fut dit fut foait !
Bé, ch'est qu'i l'étoait discipliné aveuc cho , i l'o réspecté chés fux rouches , chés STOP . Chés 2 poisons lo is ont roulé pindant pus d'un tchilométe ,et ch'est au momint d'passer cho'c commande à chu "DRIVE" eq chés impoïers is ont applé chés cadoreux* , pi chés cadoreux z'ont prévnu leu pérint !
Chés policiers conme ch'est mie des mawoés* pi qu'in Amerique toute i fini tojours bien , is ont dmindé à chés gamins ed coésir un m'nu* , et os savez ti quoé qu'is ont cmindé ...du POULET (nuggets) !! Probabe eq ch'etoait pour érmercier chés FLICS !!
*Ec = Avec
*L'arnitoéle = La toile (le net; you tube)
*Cadoreux = Policiers , gendarmes
*Mawoés = Mauvais
*M'nu = Menu
Nou 2 lascarts is avoait't invie d'mier un burger . Ech'fiu i l'o don prins ch'l auto mais cmint foaire pour conduire quanq'oz o 8 ans ? Est aisié , n'y-o foque d'érbeyer su ch'l arnitoéle* ; fut dit fut foait !
Bé, ch'est qu'i l'étoait discipliné aveuc cho , i l'o réspecté chés fux rouches , chés STOP . Chés 2 poisons lo is ont roulé pindant pus d'un tchilométe ,et ch'est au momint d'passer cho'c commande à chu "DRIVE" eq chés impoïers is ont applé chés cadoreux* , pi chés cadoreux z'ont prévnu leu pérint !
Chés policiers conme ch'est mie des mawoés* pi qu'in Amerique toute i fini tojours bien , is ont dmindé à chés gamins ed coésir un m'nu* , et os savez ti quoé qu'is ont cmindé ...du POULET (nuggets) !! Probabe eq ch'etoait pour érmercier chés FLICS !!
*Ec = Avec
*L'arnitoéle = La toile (le net; you tube)
*Cadoreux = Policiers , gendarmes
*Mawoés = Mauvais
*M'nu = Menu
mercredi 19 avril 2017
N'œuf et n'œuf ...18
Pour chés Pâques , oz maque du chucolat mais n'oblions poin chés cloches ,ch'est poin ch'qu'i manque !
Pour preuf' cho qu'chés pompiers d'Péris is ont "twitté" hier .
Alorss qu'oz peut avoér édzoin d'appler ch'18 pou qu'chés honmes du fu is s'radin'té pour seuver inne vie , o bien coér étinde un fu ; ramasser éne gin qu'al éroait té chambuqué pér éne auto ; ou a mzure seuver un bétal qu'i sroait malprind din chés avanteurs* d'un pur* ....Tanq' é pi coér ...!
Os m'avourez qu'ch'est poin chés urgences qu'is minqu'te .
A plache ed cho ; n'y-o inne fenme, eune badoule , n'y-o mie d'eutes mots qu'al o applé ch'18 pou dminder à chés pompiers qu'is viénch'té din leu courti pour récouer* chés oeus d'Pâques qu'is étoait't incrinqués à ch'couplet d'un abe; pi qu'chés tchots is n'arrivoait't mie à z'zés raveinne*
Nan mais , i nn'o qu'is atige'té* qua-minme ! Quante ej vos disez qu'oz n'minquoait poin d'CLOCHES !!
*Avanteur = Profondeur
*Pur = Puit
*Aveinne = Tirer un objet vers soi
*Recouer = recuperer
*Atiger = Exagerer
Os m'avourez qu'ch'est poin chés urgences qu'is minqu'te .
A plache ed cho ; n'y-o inne fenme, eune badoule , n'y-o mie d'eutes mots qu'al o applé ch'18 pou dminder à chés pompiers qu'is viénch'té din leu courti pour récouer* chés oeus d'Pâques qu'is étoait't incrinqués à ch'couplet d'un abe; pi qu'chés tchots is n'arrivoait't mie à z'zés raveinne*
Nan mais , i nn'o qu'is atige'té* qua-minme ! Quante ej vos disez qu'oz n'minquoait poin d'CLOCHES !!
*Avanteur = Profondeur
*Pur = Puit
*Aveinne = Tirer un objet vers soi
*Recouer = recuperer
*Atiger = Exagerer
mardi 18 avril 2017
Ch'déroufleu qu'i l'aglavoait d' faim
Galapia , hostopo, albran ; t'arpass'ras pér min gardin j'te froais morde pér min tchien Rasseurez-vous j'én sus mie in route à vos atuire * .
Ch'est cho qu'eune fenme ed 71 ans d'age al o du gueuler à ch'déroufleu* qu'al o mit in fuite .
Attindez qu'ej vos conte un molé : Timpe au matin cho'f fenme ed 71 ans al quait néz à néz aveuc un honme din sin fornil* qu'i l'étoait in route à s'foaire ...tchuire dés z'oeus su l'plot . Cho'f fenme al o vu rouge ,sin sang n'o foait qu'un tour et al y-o dit qu'i voaiche és foaire tchuire un "œuf ailleurs" .
I l'o prins sés gambes à sin co* et i s'a seuvé pér ech courti avoéc inne dijaines d'Euros in poche .
A intinde dire chés cadoreus , ch'voleu i sroait rintré in déwignant* cho'p porte éd garache .
Cho'p paure fenme al n'o mie rien intindu ; probabe qu'i l'o du mércher su dés oeus !!
*Atuire = réprimander
Déroufleu = Voleur
*Fornil = Cuisine
*Co = Cou
*Déwignant = Saccageant
Ch'est cho qu'eune fenme ed 71 ans d'age al o du gueuler à ch'déroufleu* qu'al o mit in fuite .
Attindez qu'ej vos conte un molé : Timpe au matin cho'f fenme ed 71 ans al quait néz à néz aveuc un honme din sin fornil* qu'i l'étoait in route à s'foaire ...tchuire dés z'oeus su l'plot . Cho'f fenme al o vu rouge ,sin sang n'o foait qu'un tour et al y-o dit qu'i voaiche és foaire tchuire un "œuf ailleurs" .
I l'o prins sés gambes à sin co* et i s'a seuvé pér ech courti avoéc inne dijaines d'Euros in poche .
A intinde dire chés cadoreus , ch'voleu i sroait rintré in déwignant* cho'p porte éd garache .
Cho'p paure fenme al n'o mie rien intindu ; probabe qu'i l'o du mércher su dés oeus !!
*Atuire = réprimander
Déroufleu = Voleur
*Fornil = Cuisine
*Co = Cou
*Déwignant = Saccageant
lundi 17 avril 2017
A lurlure !
Os vivons din un drolé d'mon.ne ! Maginez qu'os éte lo fin bénaise bien aplonqué* din vo cadot dé ch'l aéroplane pi qu'os attindez qu'os vos diche d'attaquer vo chinture .
Oué du chuque ; a plache ed cho os voéyez s'abouler din ch'colidor troés gorilles* qu'is vos dmind'te éd décaniller d'lo rondébilis . A coeuse qu'os dmindez !? A coeuse ed "surbooking" qu'os vos rinfique . Mi qu'ej pinsoais a mzure* qu'chu surbooking eq ch'étoait quiqu'un qu'i lisoait d'trop d'bouquin ... LOL
ben nan . I nn'o d'z eutes qu'is doét'té passer dvant vous qu'is m'déclaqu'te ; os avez té coési à l'tirloterie dé ch'manicraque , n'y-o poin d'tchutchute feut qu'os pértéche .
Ch'est cho'd décarsure * qu'est arrivée à un Améritchain un métçin qu'i dvoait s'rinde à l'hosto el lin-nmain à Louisville . I falloait déliberer 4 plaches ; i nn'o 3 qu'i s'sont désignés eux-minme ; pi pou ch'darin* i l'o fallu qué ch'l ordinateur i coésiche quéqu'un à lurlure * . Adon , ch'est qu'i n'vouloait mie déchinde ech guéritoute * . Du coeup ch'est chés cadoreus qu'is l'ont bouter à l'ouste .
Nan mais oz voéro d'toute hein , porvu qu'un bieu jour a n'seuche poin ch'pilote qu'i seuche coési à lurlure . Népoint !
*Aplonqué = Bien assis
*Gorilles = Vigils
*Amzure = Parfois
*Décarsure = ici , mésaventure
*Darin =Dernier
*A lurlure = Au hasard
*Guéritoute = Surnom pour docteur
Nan mais oz voéro d'toute hein , porvu qu'un bieu jour a n'seuche poin ch'pilote qu'i seuche coési à lurlure . Népoint !
*Aplonqué = Bien assis
*Gorilles = Vigils
*Amzure = Parfois
*Décarsure = ici , mésaventure
*Darin =Dernier
*A lurlure = Au hasard
*Guéritoute = Surnom pour docteur
dimanche 16 avril 2017
Éne marsupial in vadrouille
N'y-o un canteu qu'i cantoait "Z'avoait poin vu Mirza" La cha sroait putôt adou qu'i est passé Steve ?
Steve ch'est un quokka ( mais sains bulles ) ... Un quokka ch'est éne marsupial . Chés policiers is cach'te aprés li pisqu'i sanne à vir qu'i sroait in danger dpis qu'i s'a écapé ed sin îlot au lérgue* ed chés cotes ouést ed L'Australie .
...
Edpis l'quate janvier i l'est su l'continent et chés gins is l'prind'té pour un rot* , i n'feudroait poin qu'is l'occich'te* , ch'est qu'a doét éte protégé chés bétales lo !!
*Au lérgue = Au large
*Rot = Rat
*Occir = tuer
samedi 15 avril 2017
Marathon costume croate*
Probabe eq diminche passé os avez r'béyé ch'marathon d'Péris aveuc chés 42 kilométes édés...
Probabe étou qu'os avez vu inne quiriéles ed gins afistolés* conme dés épeutnérs* ed gardin. mais jou qu'os avez vu un honme in costume croate ? i n'étoait poin lo pour foaire ed l'imblé* li pisqu'i s'intraine casi tous lés jours conme cho in troés piéches pour batte chu r'cord du monne détnu pér un Canadien .
Ben , j'sus fin bénaise pour ech't honme lo qu'i o réussi sin pari . i l'o mis 2h 46 ( 12 minutes ed miux qu'chu Canadien) . Coér heureux qu'i n'avoait poin coeuché sés souïers vernis , avoéc chés tchots glands pér édsus !! Ah la os éroéte pu l'dire ch'éroait-té ch'pompon !!
*Coate = Cravate
*Afistoler = Acoutrer
*Epeutnér = Epouvantail
*Foaire ed l'imblé = Faire son fier , ou faire des manieres (fiertchu)
*Coate = Cravate
*Afistoler = Acoutrer
*Epeutnér = Epouvantail
*Foaire ed l'imblé = Faire son fier , ou faire des manieres (fiertchu)
vendredi 14 avril 2017
Ch'est poin sé* chéf
In'no qu'is n'minqu'té poin d'tchulot ! R'béyez ch't agozil qu'i circuloait din ch'qu'i li résse ed carette . Ben li ch't hébreux la , i s'a foait arter* pér la police pi quante ech policier i y-o dmindé adou qu'étoait l'réstant dé s'n auto ! I y-o déclaqué :
Ben , j'viens d'finir dé l'pinturer , adon ch'est in route à séquir !
In tout cas , ch'policier li chés feules ed s...in carnet pour drécher chés PV is étoait'té bien séc. I n s'a poin foait prier pou n'i en métte inne sécant !
*Sé = Sec
*Arter = Arrêter
Un pingeon su s'guiffe
Tojours pus heut tojours pus rapide , cha n'o mis d'sén d'vouloér aller toudis pus heut din ch'témps * Pourquoé foaire ? , r'sanner à chés moénieus ? ! Bé , pérlons-nné d'chés moénieus ...
Amon chés Espagnols is ont étampi éne sorte ed grand huit el pus grand du monne qu'i pérroait . Chint douze métes dé-heut pi qu'i l'atteind cho'v vitéche ed 180km/h in chonq ésgondes ! Non dés z'os ; a i laissier sés tripes et boéyeux driére li .
El jour dé l'l inauguration , i nn'o un qu'i l'o yeu éne biéle frousse ! Atandis qué ch'l eingin i trissoait* à l'vitéche dé ch'vint d'amon un pingeon qu'i passoait pér lo i s'a écati* su ch't honme. Coér bien qu'i n'o poin été affolé* (poin ch'pingeon ...ech't honme) !
Pasque ch'pingeon li ; i l'est pleumé * conme i dit min bieu frére eq ch'est un mordu d'cache !
Ch'coeup chi ch'est ch'bétail a z'ailes qu'i est mort ; mais un bieu jour cha sro l'tour d'inne gin ! J'vos laisse busier la d'sus !
*Ch'témps = Le ciel
*Trissoait = (trisser) Se deplacer rapidement
*Ecati = Ecraser
*Affolé = Blessé
*Pleumé = Utilisé ici dans le sens de MORT
Pasque ch'pingeon li ; i l'est pleumé * conme i dit min bieu frére eq ch'est un mordu d'cache !
Ch'coeup chi ch'est ch'bétail a z'ailes qu'i est mort ; mais un bieu jour cha sro l'tour d'inne gin ! J'vos laisse busier la d'sus !
*Ch'témps = Le ciel
*Trissoait = (trisser) Se deplacer rapidement
*Ecati = Ecraser
*Affolé = Blessé
*Pleumé = Utilisé ici dans le sens de MORT
jeudi 13 avril 2017
Du jambon din chés neiches
RAGOUT TOUTOU lé ragout dé mon toutou j'in su fou ! Cha ramintuve ech fime avoék Pierre Richard ; Drés qu'i s'agit d'maquer chés tchiens sont tours in fouféle !
I péroait qu'chés tchiens d'eune tchoté-ville dé Slovénie is sroait'té dévnus complétmint brake * , qu'is froait'te éd'z ébondis du diabe , pi qu'is couroait'té din chés neiches du nord au sut' , ed gueuche ...éd droéte ...Porquoé fouére qu'is froait'té cho ?
Ben , j'min va vos l'dire . Conme i l'o gramint neigé chés ouvriérs d'la commune is ont balé du sé su chés quérpions* pi cho'c coeuchie* , adon ch'probléme ch'est qu'chu sé i l'avoait sérvi y-o gramint du témps d'cho à fouére du PROSCIUTTO * et i nn'in réstoait sécant morcieuw d'din !
Os pinsez bien qu'a foait l'bonheur ed chés tchiens ! Dés neiches aveuc du gambon conme is dit'té din l' 59 i n'in falloait poin sitant pou z'z épinés* !
*Brake = fou
*Quérpions = Trottoirs
*Coeuchie = Chaussée
*Prosciutto = Jambon
*Epinés = Excités ; enervés
Éli mais poin tchoeurfailli
Autant vos dire eq Mr prope i l'est poin contint Ch'tilo qué j'délonme Mr prope ch'est l'maire d'inne ville des Hauts de Seine I nn'est resté béc é borne* quante i l'o vu un coeup au matin éne réclame qu'a disoait :" Elu et efficace , c'est possible " .
Portant rien d'bien mécant la d'din ch'étoait éne boutéle ed liquide pour lavurer z'zécuéles* aveuc inne écharpe tricolore in guise d'étiquette pi ch'tite : Elu et éfficace , c'est possible .
Diu dé diu sin sang n'o foait qu'un tour , i l'o foait inlver rondébilis tous chés affiches ed sin poéys . I n'feut poin porter attaque à cho'r république pi sés r'préseintants qu'i l'o déclaqué ch'maire !
Mr Prope i l'o donné un coeup d'ramon dvant sin pos d'porte .
*Béc é borne = Stupéfait
Ecuéles = La vaisselle en générale
Portant rien d'bien mécant la d'din ch'étoait éne boutéle ed liquide pour lavurer z'zécuéles* aveuc inne écharpe tricolore in guise d'étiquette pi ch'tite : Elu et éfficace , c'est possible .
Diu dé diu sin sang n'o foait qu'un tour , i l'o foait inlver rondébilis tous chés affiches ed sin poéys . I n'feut poin porter attaque à cho'r république pi sés r'préseintants qu'i l'o déclaqué ch'maire !
Mr Prope i l'o donné un coeup d'ramon dvant sin pos d'porte .
*Béc é borne = Stupéfait
Ecuéles = La vaisselle en générale
mercredi 12 avril 2017
Chés gatieuw qu'i vos foait'té du bien
Os n'él savez pététe poin mais quand qu'os patissez os vos foaisez du bien . I l'o été prouvé pér chés sycologues* qué d'foaire do'p patisserie ch'étoait fin boén por vo moral.
Ch'est pachqu'in patisserie i feut toudis éte attintioné , ménutieu . Quante os érez : patriqué*, touillé, émzuré , doré, nifflé, et goutté eune coupe ed foés ; os voérez qu'os srez moins épiné*, plus rapuré
Édon , moins "stressé" conme is dit't asteure ...
Pus trinquille ; pour seur qu'os l'srez ! Mais soin a cho'b balanche qua-minme !!!!
mardi 11 avril 2017
Permis à points pou chés moénieus
Chés chiffes is n'sont poin fameuw Chés blouses blanques* is ont étudiés pus d'troés mille oésieus ed deux chint chinquante sorte . La n'din n'y-in o 31% qu'is sont morts din d'z accidints d'la route , écrabouillés su chés cassis* ed chés autos o bien d'chés camions . I feudroait qu'is méch'te leu chinture ed sétchurité !!
Pus sérieusmint din l'monne n'y-o dés millions d'bétails à z'ailes qu'is chambuqu'té * chés autos . Os savez ti a coeuse ? A coeuse ed leu cervieu* plus leu cérvelle al est tchote moins'is arriv'te à s'involer à ch'boin momint afin d'éviter chés autos
J'n in connoés daucuns* qu'chés dés tiétes ed linotes , coér heureux qu'is ont poin coér passer sous 4 reules !!
*Blouses blanques = Chercheurs
*Cassis = Vitres
*Chambuquer = Cogner plus ou moins fort par maladresse
*Cervieu= Cerveau
*Daucuns = Certains
Pus sérieusmint din l'monne n'y-o dés millions d'bétails à z'ailes qu'is chambuqu'té * chés autos . Os savez ti a coeuse ? A coeuse ed leu cervieu* plus leu cérvelle al est tchote moins'is arriv'te à s'involer à ch'boin momint afin d'éviter chés autos
J'n in connoés daucuns* qu'chés dés tiétes ed linotes , coér heureux qu'is ont poin coér passer sous 4 reules !!
*Blouses blanques = Chercheurs
*Cassis = Vitres
*Chambuquer = Cogner plus ou moins fort par maladresse
*Cervieu= Cerveau
*Daucuns = Certains
lundi 10 avril 2017
poin d'lavant
Un ministére ch'est un indroét adou qu'ceuss qu'is arriv'te in r'térd , croés'té din chés éscaïers ceuss qu'is pért't ed l avant
Din l'pieu d'éne glaine
Ch'est dés droles hein chés artisses . Os pouroéte ti vouzote rester inclaner din ein' sarcophage durant 8 jours ? Ben li i l'o foait ...Achteure i l'est au Palais de Tokyo à Péris ; pi qué lubrie qu'i li prind ! I l'o décidé d'couver inne doujaine d'oeus d'glaine dvant chés gins qu'is l'débéy'te * . I réstro conme cho dusqu'a temps qué ch'l oeu i craque ....A moins' qu'a seuche li qu'i craque edvant ! Os l'sairez din 26 jours .
Stapindant i l'o prévnu chés gins qu'is l'érguette , qu'i vouloait du silénche : Si i nn'o un seu* qu'i POUSSIN crie i s'rin-va rondébilis à ch'pouiller *
*Débeyer = Regarder avec insistance
*Seu = seul
*Pouiller = Poulailler
*Seu = seul
*Pouiller = Poulailler
dimanche 9 avril 2017
Ch'est mie a un viu sinche qu'oz apprins à grigner
Cécilia 19 ans d'age al est sortie d'prison . Soin , Cécilia cha n'est mie inne pouillette , nan ch'est un chimpanzé . Qué pécavie qu'i prind a chés gins d'bailler dés tchots noms d'gins à dés bétails !!
Et TCHITA ch'est du bren ...!
Tours* est t-i qu'Cécilia al étoait din un zoo mon chés Argeintins , mais al étoait dévnue langreuse* ; a n"mingeoait pus ; al n'avoait pus gout à rien . I falloait agir , cho'd décision pér la justice al o té prinse ed déliberer Cecilia pour l'erlacher din eune réserve naturelle au Brésil
Pér qué saint* qu'i n-y éroait qu'chés honmes qu'is pourroait't quitter leu prison edvant qu'leu peinne al seuche finite ?
Ch'est inne victoére pour chés chimpanzé , autant vos dire qu'is ont la "banane " ...!!
*Tours = Toujours
*Langreuse = Chétive
*Pér qué saint = Par quel saint = pourquoi faire
Et TCHITA ch'est du bren ...!
Tours* est t-i qu'Cécilia al étoait din un zoo mon chés Argeintins , mais al étoait dévnue langreuse* ; a n"mingeoait pus ; al n'avoait pus gout à rien . I falloait agir , cho'd décision pér la justice al o té prinse ed déliberer Cecilia pour l'erlacher din eune réserve naturelle au Brésil
Pér qué saint* qu'i n-y éroait qu'chés honmes qu'is pourroait't quitter leu prison edvant qu'leu peinne al seuche finite ?
Ch'est inne victoére pour chés chimpanzé , autant vos dire qu'is ont la "banane " ...!!
*Tours = Toujours
*Langreuse = Chétive
*Pér qué saint = Par quel saint = pourquoi faire
samedi 8 avril 2017
Chauffeur présidintielle
Feut voter , feut voter !!... Est pus simpe à dire qu'a foaire . Ecmint qu'is front chés gins din chés titchouts villaches qu'is n'ont poin d'autos et ouéche qu'i n'y-o poin d'autobus ; sin compter qu'is pourroait'té coér habiter a ch'bout dé ch'villache a chonq ou six lius dé ch'burieu d'votache ! Is vont qua -minme poin y-aller à pince !
In Bretagne n'y-o un méneu d'gins* qu'i l'o yeu l'idée ed tringbaler chés habitants inter chés 2 tours ed la présidintielle pi sans leu dminder un dar .
vendredi 7 avril 2017
"Patte-ternité"
Éne foés n'est poin "costume" min tite i n'son.ne poin vraimint Picard , mais j'él treuvoais fin rétus .
Os rêvez d'eune ésmainne ed congé in ramindo* ? Ch'est simpe conme bonjour .
Amon chés grands-Bretons* sartaines interprinses is offt'te à leu z'ouvériers sécants jours d'érpos si is adop'te un bétail , surtoute si ch'est un jonne .
Ch'est pour qu'i l'euche él temps d'érperer sés agis * pi d's habituer à vouzote .
Ch'est bien , tout l'monne n'él foait poin ! Quanjou qu'oz voéro cho in France ?
*In ramindo = En supplément
*Grands-Bretons = Les Anglais
*Sés agis = Les pièces de la maison
Os rêvez d'eune ésmainne ed congé in ramindo* ? Ch'est simpe conme bonjour .
Amon chés grands-Bretons* sartaines interprinses is offt'te à leu z'ouvériers sécants jours d'érpos si is adop'te un bétail , surtoute si ch'est un jonne .
Ch'est pour qu'i l'euche él temps d'érperer sés agis * pi d's habituer à vouzote .
Ch'est bien , tout l'monne n'él foait poin ! Quanjou qu'oz voéro cho in France ?
*In ramindo = En supplément
*Grands-Bretons = Les Anglais
*Sés agis = Les pièces de la maison
jeudi 6 avril 2017
Coeuchie d'porcelaine
Ch'est à n'poin i croére ; pour mi qu'din 20 ans chés automobiles is n'éront pus leu phares ! A coeuse qué j'vos dit cho ? N'y-o inne intérprinse* à Limoges qu'al utilise 30% d'chés restes ed cho'p porcelaine pou qu'oz ni voéche miu pér nuit !
Vlo ichi un inrobé* qu'i l'est pus intérligént qu'sartains ...Li , i réfléchit . Sié ,i réfléchit cho'l leumiére ; mais feudroait t-i coér qu'i seuche achuchonné aveuc éne éclairage éspecial , a intinde dire qu'a froait foaire granmint d'économie !
Marchez , in attindant z'z économies i vo falloér déhanser* tous chés potieus lumineux ézistant pour chés nouvieus ...Guette bin chés impots !!
mercredi 5 avril 2017
Quoé qu'al attind ?
Quoé qu'oz attind a l'veille ed sés chint ans ? os savez ch'que ch'est qu' attinde ? Oz attind ch'train quant qu'oz est su ch'quaï . Ch'est vagances quant qu'oz est tchot . L'értaite quant qu'oz est viux . Un éfant quant qu'oz est mérié . Oz attind tojours quétchose din la vie .
Mais lo ; a ti du sén d'vouloér s'n aller au violon* én fuche qu'eune nuit ? ...Ma pinse ; ch'est cho qu'inne Hollandaise ed 99 ans d'age al rêvoait d'foaire edvant d'mourir . Bé , a n'est poin aisié , i l'o fallu qu'al foaiche dintier* chés cadoreux un rute momint edvant qu'is s'décid'te éd'l inclaner* pour inne nuit mon ch'comissariat , pi menotée coér ! ....Bon ben , cho ch'est foait !!!
*Au violon = En prison
*Dintier = Taquiner , provoquer
*Inclaner = Enfermer
mardi 4 avril 2017
Muche tin tchu vlo ch'garde
Conme i n-y avoait rien d'bien racachant din m'gazette pi qu'j avoais chonq minutes edvant mi , j'su t'aller ziuter din 20 minutes (chu jornal) ... A coér été bél -é-rade* , passé deux troés billets ej voés un tchu !!! Sié , eune poaire ed fésse ed fenme
Ech'tite i disoait : Procession d'célébrités su chés tapis rouges ; " in side butt " Side butt ??? Conme j'én su mie un crack din l'langue ed " CHAQUEU-SPÉHARE "* ej buque pour vir , pi lo j'apprins qu'chu fameuw side butt équ'ch'est méniere ed torner sin tchu do'f façon qu'oz in voéch' qu'el mitan . Bé , j'n'in su résté su l'tchu !Mi qu'i croéyoais vir cho'l leune ...j'n o vu qu'un quartier .
Attindez ch'est poin toute i nn'o coér inne sécant d'séants . Tours* in Inglés pou n'poin canger cha s'appele " El gliter body"
Adon ch'coup chi poin quéstion d'mitan , os voéyez toute , infin casi pasque leu tchus i est acoufté d'paillettes pi d'pérles pour qu'leu popotin is seuch'te inlluminés conme no sapin d'Noé !
Nan mais , oz voéro d'toute os savez ! Et vouzote os éte ti prét a vos papiner* d'paillettes pour éte a l'mode , el tchu su la commode !!
*Bel-é-rade = Vite
*Chaqueu-spéhare = Shakespeare
*Tours = Toujours
*Papiner = Coller
Adon ch'coup chi poin quéstion d'mitan , os voéyez toute , infin casi pasque leu tchus i est acoufté d'paillettes pi d'pérles pour qu'leu popotin is seuch'te inlluminés conme no sapin d'Noé !
Nan mais , oz voéro d'toute os savez ! Et vouzote os éte ti prét a vos papiner* d'paillettes pour éte a l'mode , el tchu su la commode !!
*Bel-é-rade = Vite
*Chaqueu-spéhare = Shakespeare
*Tours = Toujours
*Papiner = Coller
lundi 3 avril 2017
Un flamént rose poin d'trop tchuit
Minme si ch'tite ed min billet i préte à rire , j'croés qu'i veut miu n'in braire dé ch't histoére lo !
feut i éte déchindu rutmint bos pour én'n arriver la ! o bien avoér éne faim d'leu , aglaver* ; oué probabe . Mais os m'avourez qua-minme eq quante oz habite au Vénezuela os pouvons tout d'minme mier* eute coeuse eq chés flaménts roses ; eq chés dés bétails protégés la bos étou* ! Nouzote aussi in Europe os ons yeu inne crise économique , a n'est pour cho qu'os mingeoéme chés flaménts roses .
Chés 2 fréres qu'is braconnoait't is nn'ont té quitte pour éne chintaine d'heure ed néttiache din un r'fuge animalier
*Aglaver = Avoir très faim . S'emploie aussi avec la soif
*Mier = Manger
*Étou = Aussi
feut i éte déchindu rutmint bos pour én'n arriver la ! o bien avoér éne faim d'leu , aglaver* ; oué probabe . Mais os m'avourez qua-minme eq quante oz habite au Vénezuela os pouvons tout d'minme mier* eute coeuse eq chés flaménts roses ; eq chés dés bétails protégés la bos étou* ! Nouzote aussi in Europe os ons yeu inne crise économique , a n'est pour cho qu'os mingeoéme chés flaménts roses .
Chés 2 fréres qu'is braconnoait't is nn'ont té quitte pour éne chintaine d'heure ed néttiache din un r'fuge animalier
*Aglaver = Avoir très faim . S'emploie aussi avec la soif
*Mier = Manger
*Étou = Aussi
dimanche 2 avril 2017
J'te mile !
A y est os i sonme tarte à prone ! Si os étes conme mi mérdi passé os avez r'béyé ch'match ed football , ch'étoait chés Français conte chés castagnettes* . Après chu r'pos* à peinne inroéyé* ch'match qu'oz intind "BUUUUT" qu'i déclaque ech commintateu ! Éhh duchmint ch'beurre ch'est poin li qu'i cminde .
ch'l arbite étampi* au miyu d'cho'p plouse i géstcule in foaisant un tchot cassis* aveuc sés main.yes ; oz attind éne coupe d'ésgondes ; et lo, i siffe* un g...rand coeup pour dire qu'éch but i n'est poin valabe . Vlo chés gins din chu stade qu'is brait't alorss éq deux minutes édvant is s'imbrassoait't .
Mais ch'est poin tout' , après ch'étoait ch'tour ed chés castagnettes ed mérquer un but ; mais bin atombé qu'chés 2 arbites du dehors is avoait't élvés leu drapieus pour érfuser ch'but ; i l'étoait hors ju conme is dit't . Pi lo coér un coeup ch'l arbite du miyu tojours li ch'l artisse , i nos r'foait ch'tiot cassis avuc sés main.yes .
Et lo poin tchu-tchute* ch'troésiéme ziu* i l'o pérlé, ch'but i est validé . Lyoris nou gardien , tout étombi i l'éncaisse , i pért' queur ech ballon din sés caisses . Os frons miu l'prochain coeup ; ch'troésiéme ziu sro poin tojours alinconte ed chés bleus .
*Castagnettes = Espagnols
*Rpos = Repos
*Inroéyer = Commencer
*Étampi = Dressé
*Siffe = Siffle
*Poin tchu-tchute = Pas de discussion possible
*Ch'troésiéme ziu = La vidéo
Et lo poin tchu-tchute* ch'troésiéme ziu* i l'o pérlé, ch'but i est validé . Lyoris nou gardien , tout étombi i l'éncaisse , i pért' queur ech ballon din sés caisses . Os frons miu l'prochain coeup ; ch'troésiéme ziu sro poin tojours alinconte ed chés bleus .
*Castagnettes = Espagnols
*Rpos = Repos
*Inroéyer = Commencer
*Étampi = Dressé
*Siffe = Siffle
*Poin tchu-tchute = Pas de discussion possible
*Ch'troésiéme ziu = La vidéo
samedi 1 avril 2017
Intique intasse ...
Os sonme ech preume d'Avri , mais cha n'est mie d'pichon qué j'va vos causer in-nhui mais d'bétail vrimeux* , pour seur qu'est inne histoére vraï !
Ch'est pus fort éq mi , j'n a poin pus m'impécher d'ém dire eq si ch't honme i l'éroait coér été vivant oz y-éroait dmindé . " Alors' , cmint qu'a vo après inne paréle décarsure * ?? Pi j'éroais bien maginé qu'i m'réponch' : Vintchousse ; j'ai yeu keu.ye i foait éne rute fournaise din ch'python " Al est fin rétuse* ém n'histoére , hein !! Mais n'cachez poin d'raport avu ch'volcan ! I nn'o poin !!!
Akbar ch'l Indonésien i n'rigolero pus li ; minme a min ju d'mot pourit ; i est défuncté ch'paure honme ! Aténdis qu'i l'oeuvroait din eune plantation houlée* d'palmiers i s'a foait ahouper* pér un python ed pus d'7 métes ed long . Ch'bétail i l'o intortillé , étranné , étouffé , pi i ll'o inglouti tout intier . S'famille , ész 'amis is cminchoait't a guériner dé n'poin vir Akbar s'abouler ; is s'sont mis a cacher après , is ont cminché pér démucher inne botte , pi d'z outieus ; pi quante is ont vu au loin ch'bétail vrimeux avoéc inne panche conme un tonnieu , is ont tartous comprins ch'malheur .
Is ont décopé l'pieu.ye dé ch'serpént pour saquer ch'corps dé ch't honme ed 25 ans !
Vlo ! Est un molé lugube ém n'histoére ! Mais s'mainne qu'i vient os nn'érez eune pus régalante . Ch'est un papar ed 6 moés qu'i s'a foait péquer din eune arnitoéle d'érignie géante !
PICHON D'AVRI !!!!!!! Soin, pichon d'avri foque pou ch'l histoére dé ch'l érignie ! pou ch'python ch'est malheureusmint l'vérité vraï ! Os pouvez raviser cho'v vidéo qu'al torne in blouque su l'arnitoéle !
J'ai coési dé n'poin l'métte inn'o daucuns qu'is pourroait't quair faibe !
*Vrimeux = Venimeux
*Décarssure = Employé dans le sens de mésaventure pénible
*Rétuse = bélotte
*Houlée = Remplie
*Ahouper = Attraper en passant
Is ont décopé l'pieu.ye dé ch'serpént pour saquer ch'corps dé ch't honme ed 25 ans !
Vlo ! Est un molé lugube ém n'histoére ! Mais s'mainne qu'i vient os nn'érez eune pus régalante . Ch'est un papar ed 6 moés qu'i s'a foait péquer din eune arnitoéle d'érignie géante !
PICHON D'AVRI !!!!!!! Soin, pichon d'avri foque pou ch'l histoére dé ch'l érignie ! pou ch'python ch'est malheureusmint l'vérité vraï ! Os pouvez raviser cho'v vidéo qu'al torne in blouque su l'arnitoéle !
J'ai coési dé n'poin l'métte inn'o daucuns qu'is pourroait't quair faibe !
*Vrimeux = Venimeux
*Décarssure = Employé dans le sens de mésaventure pénible
*Rétuse = bélotte
*Houlée = Remplie
*Ahouper = Attraper en passant
Inscription à :
Articles (Atom)