Os avez ti inne " é-NVIE" ?

Din chés grannes villes on voét d'pus in pus chés piétons rouscailler raport à chés vélos qu'is fruch't-é leu gambes , dés coups à leu fouére casser leu loupes !

Ch'est ténant , mais l'puss pire réste à vnir ; vlo qu'asteure on voét s'abouler à fond d'train ches " NVIE " Soin , chés poin un mot picard qué j'viens d'invintionner , NVIE , cha veut dire : Nouvieux véhitchules individuels électriques ; conme chés planques à reules , chés segways , pi trottinettes .
Chés piétons is ont qu'unne " én-NVIE" si j'peux dire ainsin , ch'est qu'tertous chés gins la , is euch'te unne assurance ed résponsabilité civile .

Rinconte al muche tin pot

Feut fouére el chaine

Chés restaurateurs is n'in sont réyus ed chés pratiques* qu'is n'vienne't-é poin minger , alors' qu'is ont réservéïe inne tabe 

Pi os croéyez ti qu'is appelleroait't por dire qu'is n'varont poin mier !! Du chuque oué !
Du coeup , fini chés réservations , asteure i feut fouére la chaine* déhors , temps non temps , qu'importe ; au moins ch'restaurant i l'est plein à craquaye !
On dit à mesure ch'est aladon qu'cha finira conme in Amerique (conme souvint ) ; la bos on n'reserve mie pus , i feut acater sin billet d'maquerie , sié , os poayez d'avinche un peuw conme si qu'os acatroéte inne plache ed ciléma , obien d'concert ; et pi si qu'os vnez poin os povez dire adé à vo doubes !

*Pratiques = Clients
*La chaine = La queue

D'ou qu'i est ch'pus boin

Pi por vouzote ch'est qué bout ch'pus boin ?! 

Ch'est -i ch'bout avu cho'g glache , o bien ch'bout avu ch'cornet pî ch'chucolat ?
Eun' raveudez poin toute din chés rayons , os n'él trouvarez poin in France ( pou l'momint) . Oué , a coeuse eq tout s'qu'i s'déssaque ed chés américain.ye cha fini tours pér arriver amon nouzote !!
Quoé qu'ch'est qu'is ont coér brasséïe à ch'poéys d'l onc é-sam !! i sanne à vir eq pou chés américain.ye ( inne partie) ; ech pus boin din unne glache , cha sroait ch'bout chucolaté .
Du coeup pour se fouére n'y o inne gin qu'i a invintionnéïe dés tchots cornets qu'os povez congeler !! On voéra d'toute

Emission tchulinaire

Chatchun s'tchuisne

N'y-a gramint d'poéys qu'is foait't éd'z éfforts pour ratrinner chés vaganciers . Au Viétnam chés autorités is ont dmindéïe à chés habitants dé n'pus maquer d'tchiens , a coeuse eq cha porraoit éffoayer chés z'horzins* .
Mais in-n'din d'mi minme j'mé dminde bien quoé qu'ch'est qu'is doév't-é pinser chés Indiens quanq'is vienne'te in France et pi qu'is nous voéy't-é maquer dés vaques (eq din leu poéys ch'est sacré)
feut qu'j arréte ed ruminer à cha !!

*Horzins = Etrangers

Eune boéte à maquer

Siq'os roulez un jour din la Sarthe ch'est fort probabe qu'os tombéche néz- à néz avoéc inne disributeur ...
Os m'direz qu'dés distributeurs in'na à houle , qu'a seuche à billets , ed pizzas , ed pan.ye ; ed légueumes , ed chucrates ...tanq-é pi coér !
Mais la os trovarez in ramindo* dés distributeurs ed choucroutes , ed boudin.ye (blancs) pi d'rillettes .

*In ramindo : En plus , en supplément .

Un molé d'jographie

Ch'est ch'clerc qu'i donne un cours d'histoére à 20 blondes .

In preume : N'y-a ti quéqu'un qu'i peut m'dire ouéche qu'a s'treuve l'Amerique su cho'c carte ?
Nicole , eune dés blondes a s'léfe pi al foait vir l'endroét su cho'c carte sans s'bérlurer .
Bien qu'i dit ch'maristére ; in deuze : Quiéche qu'a découvert l'Amerique ??
Pi la ch'est 19 blondes is s'léf't-é din coeup séc et is dit'te :
Ch'est NICOLE .

Du mau à m'déhaler

Record du monne ed tchien coeu.ye*

Ch'est poin un "mec si con "piq ch'est un mexicain. El moés passéïe i l'a battu Chu r'cord dé ch'pus long " tchien coeu.ye"...hot dog si qu' os ainmez miu Cha r'présinte qua-minme 1 417 mètes. Cha foait 10000 tchiens coeu.ye aligneïe in quatre heures .

Soin ;on n'foait mie s'qu on veut avu ch'reglemint. Beyez un molé : deux seucisses per tchien coeu.ye . Pi Chu hot dog i n'doét mie dépasser 18chintimetes . Ichi toute i l'a té respectéïe . Pus 2000 personnes is etoait't la pou s'in foute inne boéne panchie.

*Tchien coeu.ye = chien chaud (hot dog)

Din m'n eul

Ayant passéïe tout sin diminche aveuc inne angouche du diape à s 'paupière pi inne sensation d"brûlure a mort din s'n eul ;unne fénme ed 42ans al s'a décidéïe dès lundi timpe au matin.ye dé s'n aller vir sin ophtalmo. Os avez un kiss in d'din vo paupière qu'i li rinfique Chu spécialiste. I feut qu'os vos faiséche opérer rondébilis. 

Per après ch'l opération ches cerusiens i y-on dit qu'al avoait inne lintille ed contac d'intiquéïe inter s'n eul et pi s'paupiere.
Chof'fénme al s"a ramintuvéïe qu'a l âge ed 14 ans durant un match ed volley al avoait r'cheut un coeup din s'n eul, pi al a tojours pinséïe es chol lintille al avoait queu su ch"terrain . Ben nan;cha faisoait 28 ans qu' al etoait din s'paupiere.

Min portabe eq j'a quére