I péroait qué d'maquillon.ner du mac-mac* apreu 40 ans est fin bien pou pérte dés tchilos !
Un molé d'asplique : Chés blouses blanques japonais is ont étudié quarante six marcheurs intér 21 et 69 ans . Is dvoait't marcher normalmint conme ti pi mi , hormis qu'i n'n avoait l'mitan qu'is maquillon.noait't -é du chumgome in marchant . Pi léz eute is avoait't chés ingredients du mac mac trainsformés in poude pi touillé din eine gobe d'ieu , et is l'l ont lapé .
Ch'l étude al o prouvé , eq chétlo qu'is maquoait't du chumgome leu cœur i buquoait pu rade qu' ez z eute , adon i marchoait't pu abile , pi forchémint is faisoait't gramint puss ed pos*
Pour nin définr , un patchet d'chumgome est moins quérate qu'un abonnemint din eune salle dé sport . Mais ch'est moin régalant pour vo dints !!
*Mac-mac = Chewing-gum
*Pos = Pas
jeudi 31 mai 2018
mercredi 30 mai 2018
Barcelone ; Roland-Garros
Cha foait inne trote qu'os allez m'dire ! Oué mais quante ch'est pour participer à sin premier tournoi d'roland garros on n'arguette pon à chés kilométes !
Ch'est ch'l histoére d'un argeintin qu"i sa foait iliminé a chés califications , édon i pouvoait mie participer à ch'tournoi .
Mais ch'étoait sains compter su l'abaindon d'un Austraïen . Adon , quante on a rapplé ch' l argeintin i l'étoait djo a s'baraque à Barcelone ! Mie d'probléme qu'i dit notre honme ej prins ch' l aréoplanepi j'arrife ; et la ....ch'coup d'malsaveur ! Y-o gréfe ed chés avions ! Conme diroait foucault i foait appel a des amis pour qu'is voaich'te el méner abile à Péris ! Fut dit fut foait , pi os savez quoé? Ben i l'o guégné sin premier match ; marche i l'est qualifié pou ch'deuxiéme tour ! Boéne canche à li !!!!
Ch'est ch'l histoére d'un argeintin qu"i sa foait iliminé a chés califications , édon i pouvoait mie participer à ch'tournoi .
Mais ch'étoait sains compter su l'abaindon d'un Austraïen . Adon , quante on a rapplé ch' l argeintin i l'étoait djo a s'baraque à Barcelone ! Mie d'probléme qu'i dit notre honme ej prins ch' l aréoplanepi j'arrife ; et la ....ch'coup d'malsaveur ! Y-o gréfe ed chés avions ! Conme diroait foucault i foait appel a des amis pour qu'is voaich'te el méner abile à Péris ! Fut dit fut foait , pi os savez quoé? Ben i l'o guégné sin premier match ; marche i l'est qualifié pou ch'deuxiéme tour ! Boéne canche à li !!!!
mardi 29 mai 2018
L' "asi" du sudiste
Portant ch'jour la n'y avoait mie d'raison qué j'bérdéle sécant mots d'picard , piq'j étoais din l'midi aveuc un camarate chudisse (conme is dit't-é din l'59) .
Adon , y-a des coups ch'est pus fort éq mi cha dérape ,vla dé s'qu'i n'n est : Os ransoéme din chu cintré-ville ed Montpellier la d'où qu'ch'est l'pus dru aveuc tout chés boutiques , l'étchusson qu'is appel't-é cho . tout a coup n'y a conme inne odeur mautcheurante qu'al vient m'décatouiller més nifflettes , a sintoait l'guerzi , pi i cminchoait d'y-avoér do'f funquée .
Pi la , allez savoér a coeuse , cha m'o éccapé , ej dis à min camarate : Tu n'trouves poin qu'a sint l'asi pér ichi ?? Et lo i m'rinfique ( maginez éc l'accint du midi ) C'est pas étonnant il y a un restaurant CHINOIS pas loin d'ici . Ém vlo pérti à rire , pi min copain qu'i n'comprindoait mie pourquoé qué j'rigoloais conme un bochu . Os avez comprins vous itou ch'l infilure ! Ech jour la , ch'pitit coin d'Montpellier ch'étoait dévnue " l Asie du sudiste "
*Sintir l'asi = Sentir le brûlé
Adon , y-a des coups ch'est pus fort éq mi cha dérape ,vla dé s'qu'i n'n est : Os ransoéme din chu cintré-ville ed Montpellier la d'où qu'ch'est l'pus dru aveuc tout chés boutiques , l'étchusson qu'is appel't-é cho . tout a coup n'y a conme inne odeur mautcheurante qu'al vient m'décatouiller més nifflettes , a sintoait l'guerzi , pi i cminchoait d'y-avoér do'f funquée .
Pi la , allez savoér a coeuse , cha m'o éccapé , ej dis à min camarate : Tu n'trouves poin qu'a sint l'asi pér ichi ?? Et lo i m'rinfique ( maginez éc l'accint du midi ) C'est pas étonnant il y a un restaurant CHINOIS pas loin d'ici . Ém vlo pérti à rire , pi min copain qu'i n'comprindoait mie pourquoé qué j'rigoloais conme un bochu . Os avez comprins vous itou ch'l infilure ! Ech jour la , ch'pitit coin d'Montpellier ch'étoait dévnue " l Asie du sudiste "
*Sintir l'asi = Sentir le brûlé
lundi 28 mai 2018
tchitte ech nid
J' m'in va poin ichi vos pérler d'chés moénieus qu'is prind't-é leu invole !
Nan , ch'est un jone gazier d'trinte ans qu'i n'veut poin tchitter el moaison d'ses gins ! Hormis qu'ses pérints euss; is n'in sont réyus , ércran , qu'is ainmeroait't bin qu'leu fiu i vole ed ses prope 'z ailes !
Adon , is ont porté ch'l affaire mon ch'tribunal , qu'i- o don.né raison à lés pérints , in disant qu'is avoait't el droét d'cujir quiéche qu'i peut loger din leu maison !
Nan , ch'est un jone gazier d'trinte ans qu'i n'veut poin tchitter el moaison d'ses gins ! Hormis qu'ses pérints euss; is n'in sont réyus , ércran , qu'is ainmeroait't bin qu'leu fiu i vole ed ses prope 'z ailes !
Adon , is ont porté ch'l affaire mon ch'tribunal , qu'i- o don.né raison à lés pérints , in disant qu'is avoait't el droét d'cujir quiéche qu'i peut loger din leu maison !
samedi 26 mai 2018
vendredi 25 mai 2018
L'bidet ch'est sin dada
A bride rabattue din chés baches , o bien d'affilé su l'ésplanade; alintour du 10 mai chés 37 étchipages ont paradés din chés rues d'Berck .
Ch'est poin un méchant coup d'harnu el veille au soér qu'alloait v'nir à bout d'éch marathon d'attelages . Finalemint , el lindmain ech solé i l'o saqué l'bout d'sin musieu , os allons povoér infin inroéyer . Bérdafe ! I sanne à vir qu'i feudro coér attinne un molé qu'a seuche basse-mér ; ch'est elle qu'a décide .
A y est ch'est pértie , chés 120000 gins qu'is leuz ont déplachés is n'ont pus qu'a bien ouvrir leu quinquets pour vir chés bidets boulonnais pi tout ch'diabe sans train .
Ch'est poin un méchant coup d'harnu el veille au soér qu'alloait v'nir à bout d'éch marathon d'attelages . Finalemint , el lindmain ech solé i l'o saqué l'bout d'sin musieu , os allons povoér infin inroéyer . Bérdafe ! I sanne à vir qu'i feudro coér attinne un molé qu'a seuche basse-mér ; ch'est elle qu'a décide .
A y est ch'est pértie , chés 120000 gins qu'is leuz ont déplachés is n'ont pus qu'a bien ouvrir leu quinquets pour vir chés bidets boulonnais pi tout ch'diabe sans train .
mercredi 23 mai 2018
Mets deux tunes din l'bastringues
Amon chés grands bretons (les anglais) ; o n'foait mie s'qu'o veut avoéc sés doubes din chés casinos .
Surtout à chés bindits mainchots , la bos i doét i y-avwoér dés machines adou qu'o peut métte 20€ par mise . Pisque ch't artike din cho'g gazette i dit qu'o peut claquer casi 100 livres in vingt sgondes .
( j ai idée qu'a doét fouére un molé d'pus eq 100€ )
A coeuse qu'i cminchoait d'y-avwoér gramint d'inglés avoéc des dettes ; ech gouvernemint i l'o décidé qu'asteure ; o n'pourroait poin mette pus d'deux livres par mise .
Et vlo pour in-n hui , ch'étoait m'tchote histoére ed chés bandits "outre" manchots !!!!
Surtout à chés bindits mainchots , la bos i doét i y-avwoér dés machines adou qu'o peut métte 20€ par mise . Pisque ch't artike din cho'g gazette i dit qu'o peut claquer casi 100 livres in vingt sgondes .
( j ai idée qu'a doét fouére un molé d'pus eq 100€ )
A coeuse qu'i cminchoait d'y-avwoér gramint d'inglés avoéc des dettes ; ech gouvernemint i l'o décidé qu'asteure ; o n'pourroait poin mette pus d'deux livres par mise .
Et vlo pour in-n hui , ch'étoait m'tchote histoére ed chés bandits "outre" manchots !!!!
mardi 22 mai 2018
Du nouvieu din chés friekots*
Duchmint à ch'beurre , sin cha os allez fouére monter la mayon.naise .
Ch'est qu'in Bégike o n'foait mie s'qu'o veut aveuc chés baraques à frites . A Brussél is vont s'y atler ; la ville al vo rindiminchée 8 baraques pour qu'is seuch'te din l'coup , pus moderne qu'o dira coér .
Dés miloérs su chés murs , al brune dés leumiéres éspeciales por fouére miler chés fritures *
Adon , ed quoé s'in foute plein l'cornet !!
*Friekots et fritures = C'est comme ça que les flamands appellent leurs baraques à frites
Ch'est qu'in Bégike o n'foait mie s'qu'o veut aveuc chés baraques à frites . A Brussél is vont s'y atler ; la ville al vo rindiminchée 8 baraques pour qu'is seuch'te din l'coup , pus moderne qu'o dira coér .
Dés miloérs su chés murs , al brune dés leumiéres éspeciales por fouére miler chés fritures *
Adon , ed quoé s'in foute plein l'cornet !!
*Friekots et fritures = C'est comme ça que les flamands appellent leurs baraques à frites
samedi 19 mai 2018
Eul voéture dé ch'pape
Os cachez ti après eune neuve carette ? Cha quait à dréme , el pape i vind l'siénne , eune Lamborghini huracan .
Ed tout sin , al est djo vindu , à s'a vindu in moins d'deuy' à chés inchéres ed Monaco , conme diroait la pricesse Stéphanie : Al est pértie conme un HURACAN (qu'i passoait pér la ) ....
Eune Lamborghini qu'al o été bénite , édon asteure os porez rouler à ' tombeau ouvert ' .
Quarantes soupapes ; m'einfin , i n'n a qu'un qu'i vous r'mettro chés clés , ch'est l'vrai , ch' pape François .
I n'n o récoué sept chint quinze mille euros , qu'is iront tout droét din chés caisses pour poayer l'érconstruction d'chés moaisons in Irack
Aléa jacta est !!
Ed tout sin , al est djo vindu , à s'a vindu in moins d'deuy' à chés inchéres ed Monaco , conme diroait la pricesse Stéphanie : Al est pértie conme un HURACAN (qu'i passoait pér la ) ....
Eune Lamborghini qu'al o été bénite , édon asteure os porez rouler à ' tombeau ouvert ' .
Quarantes soupapes ; m'einfin , i n'n a qu'un qu'i vous r'mettro chés clés , ch'est l'vrai , ch' pape François .
I n'n o récoué sept chint quinze mille euros , qu'is iront tout droét din chés caisses pour poayer l'érconstruction d'chés moaisons in Irack
Aléa jacta est !!
jeudi 17 mai 2018
Ch'l eurovision
Os ons fini treiziéme aveuc Monsieur et Madame à chés canchons d'l eurovision ! Einfin Euro est vite dit a forche ed rajouter dés poéys o s'ertreuve in asie mineur . A va finir pér s'appler "mondiovision ".
Ed tout sin mi j'n ai poin r'guetter , cha don.ne l'impression d'awoér dés magouilles din chés votaches inter chés poéys ! Et j'n in su réyu qu'is cant't-é cazi tartous in Inglés !
Peut qu'manqué , a quoé qu'a servi d'éte deux pour aboutir a cho' treiziéme plache . I -y-o deux ans d'cha Conchita Wurst al étoait tout seu pi al o guégné !!
Ed tout sin mi j'n ai poin r'guetter , cha don.ne l'impression d'awoér dés magouilles din chés votaches inter chés poéys ! Et j'n in su réyu qu'is cant't-é cazi tartous in Inglés !
Peut qu'manqué , a quoé qu'a servi d'éte deux pour aboutir a cho' treiziéme plache . I -y-o deux ans d'cha Conchita Wurst al étoait tout seu pi al o guégné !!
mardi 15 mai 2018
Queuchie d'chucolat
Chés conducteurs qu'is ont té bloqués din leu carette su ch'l autoroute A2 in Pologne is ont au moins yeu l'mérite d'awoér un boin sintimint din les niffletes !
Eune citerne avoéc 12 tones ed chucolat coeud al s'a balé pi tout s'cargaison d'chucolat a trainsformé cho'c queuchie in fleuve marron .
J'én sais mie si cha gliche , mais y-o sécants voétures qu'is ont roulé d'din , peut qu'mainquer veut miu rouler din cho putôt qu'din du bousot d'vaque !
Eune citerne avoéc 12 tones ed chucolat coeud al s'a balé pi tout s'cargaison d'chucolat a trainsformé cho'c queuchie in fleuve marron .
J'én sais mie si cha gliche , mais y-o sécants voétures qu'is ont roulé d'din , peut qu'mainquer veut miu rouler din cho putôt qu'din du bousot d'vaque !
lundi 14 mai 2018
Meudit bétail
Os povez avoér vo z'oréles qu'is bourdon.n'te conme un malo din eune sringue , ch'est usant à la fin !
Mais maginez qu'os ayéche un cafard din l'oréle .Ecmint détiquer ch'bétail ? Al déjouque éne fénme al o sintu conme un glachon qu'i déchindoait din l'treu dé s' n oréle , pi a mzure al sintoait qu'cha creusoait . Abile al vo queure eune tige ed wouate pour l' nétier . Al raveude un momint din s'n écalipe ... Bernique ! al in déssaque eine patte . J.'ai yeu lés freus qu'al dit cho'f fénme ; j'ai foayé rondébilis à l'houpital .
La bos is m'ont balé un litchide pour éscofier ch'bétail , pou miu l'déssaquer ! Fut dit fut foait .
Pinsez don qu'cho'f fénme al étoait continte , a cminchoait d'avoér el "cafard" .
Neu moés pu térd magré tout , al doét r'torner à l'houpital . Nathalie (ch'est sin tchot nom) , al dit eq quante al ouve és bouque conme un four al sint coér quiques saquoé din s'n oréle ; bréf quante Nathalie "baille" ch'est génant !!! Adon , ech cérusien i r'trifouille la d'din . Berdafe ! I n'in restoait coér un bout . Nathalie al étoait in rogne pér après chu cérusien dé n'mie awoér r'tirer toute ech premier coeup . Pi in ramindo os m'avez massacré m'n oréle . J'éspere bin qu'os m'don.nerez dés drogue pour rapurer tout cho .
Asseuré qu'i répond l' blouse blanque . Os ainmez ti boére dé l'ieu aveuc dés tchotes bulles ed din ?
- Sié , j'a quére boére cha !
- bin , os éte ed l'arvue ma tite dame , asteure os n'boérez foque éd l ieu BLATE !!
Mais maginez qu'os ayéche un cafard din l'oréle .Ecmint détiquer ch'bétail ? Al déjouque éne fénme al o sintu conme un glachon qu'i déchindoait din l'treu dé s' n oréle , pi a mzure al sintoait qu'cha creusoait . Abile al vo queure eune tige ed wouate pour l' nétier . Al raveude un momint din s'n écalipe ... Bernique ! al in déssaque eine patte . J.'ai yeu lés freus qu'al dit cho'f fénme ; j'ai foayé rondébilis à l'houpital .
La bos is m'ont balé un litchide pour éscofier ch'bétail , pou miu l'déssaquer ! Fut dit fut foait .
Pinsez don qu'cho'f fénme al étoait continte , a cminchoait d'avoér el "cafard" .
Neu moés pu térd magré tout , al doét r'torner à l'houpital . Nathalie (ch'est sin tchot nom) , al dit eq quante al ouve és bouque conme un four al sint coér quiques saquoé din s'n oréle ; bréf quante Nathalie "baille" ch'est génant !!! Adon , ech cérusien i r'trifouille la d'din . Berdafe ! I n'in restoait coér un bout . Nathalie al étoait in rogne pér après chu cérusien dé n'mie awoér r'tirer toute ech premier coeup . Pi in ramindo os m'avez massacré m'n oréle . J'éspere bin qu'os m'don.nerez dés drogue pour rapurer tout cho .
Asseuré qu'i répond l' blouse blanque . Os ainmez ti boére dé l'ieu aveuc dés tchotes bulles ed din ?
- Sié , j'a quére boére cha !
- bin , os éte ed l'arvue ma tite dame , asteure os n'boérez foque éd l ieu BLATE !!
samedi 12 mai 2018
V'nir viu
A vo ti Bébert ?
- Pon fameu in ch'momint , al déjouque quante j'ai ployé min jnou " CRACK " . Quante j'ai ployé min bros "CRACK" . Quante j'ai ployé min co " CRACK " . Pour n'in définir pus j'viusis pus j'sus craquant !
- Pon fameu in ch'momint , al déjouque quante j'ai ployé min jnou " CRACK " . Quante j'ai ployé min bros "CRACK" . Quante j'ai ployé min co " CRACK " . Pour n'in définir pus j'viusis pus j'sus craquant !
***********************************************
Peut qu'manquer , conme diroait coluche : après soéchante ans si qu'tu t'saques pi qu't as d'mau neune pért ...ch'est qu't es mort !!
vendredi 11 mai 2018
boén accion
Chés r'cords , ch'est conme chés boins watieus picard ch'est foait pour éte "battus" !!
Os éte ti prét à batte chu r'cord dé ch't améritchain qu'i vient d'mier sin ...trinte milléme big mac !
Sié os avez bien li (30 000) . Il o inglouti sin preume in 1972 , i n'in maque un tout lés jours .
Dpis quarante ans i n'o janmoés mainqué inne occasion ed mier sin méts préféré !
Einfin si ; j'ém bérlure , in 1982 n'y-o yeu inne rute timpéte ed neiche , pi ch'mac do i n'o poin pu ouvert és boutique . Et in 1988 quante és mére al est pérti a ch'camp d'soéle* ; i y-avoait promis dé n'poin n'in minger s'jour la !
Tout cho ch'est pététe poin fameu pou s'santé , mais tours* est i qu'cha n'l o mie impéché d'fouére un marathon in 2006 ( J ai idée qu'a chu ravitaillemint i l'o du dminder si y-avoait un big mac ) !!
*Camp d'soéle = Champ de seigle = cimetiere
* Tours = Toujours
Os éte ti prét à batte chu r'cord dé ch't améritchain qu'i vient d'mier sin ...trinte milléme big mac !
Sié os avez bien li (30 000) . Il o inglouti sin preume in 1972 , i n'in maque un tout lés jours .
Dpis quarante ans i n'o janmoés mainqué inne occasion ed mier sin méts préféré !
Einfin si ; j'ém bérlure , in 1982 n'y-o yeu inne rute timpéte ed neiche , pi ch'mac do i n'o poin pu ouvert és boutique . Et in 1988 quante és mére al est pérti a ch'camp d'soéle* ; i y-avoait promis dé n'poin n'in minger s'jour la !
Tout cho ch'est pététe poin fameu pou s'santé , mais tours* est i qu'cha n'l o mie impéché d'fouére un marathon in 2006 ( J ai idée qu'a chu ravitaillemint i l'o du dminder si y-avoait un big mac ) !!
*Camp d'soéle = Champ de seigle = cimetiere
* Tours = Toujours
jeudi 10 mai 2018
ARGUETTER
A mzure ej vous balerez unne tchote vidéo su l'patoés boulonnais ! Ch'est fort intéressant su chés aspliques ed chés mots pi éspressions ! Pi surtout' ; oz intind a mzure chés gins qu'is l'prononch'te ! Ed no jours cha dvient rére d' INTINDE du picard !
mercredi 9 mai 2018
Freumer cho'p porte
Din vou auto quante os avez d'trop coeud os bachez vo carrieus ; ch'est aisé pi a n'est mie daingereux , hormis pététe dé s'fouére pitcher pér ein wépe* !
Adon , quante os avez d'trop coeud din ein aréoplane ; i veut miu attinne qu'i s'arréte ; est gramint miu ! Un jonne chinoés in'n o foait lés frais . Ch't halbran la , conme i l'étoait cauffouré* , i l' o décidé pour prinne l'air ed bacher l'pouégnie d'farnéte qu'al étoait dvant li .
Quante cho'p porte al a tcheue , al o déclinché in minme temps ch'glichoér* ed sétchurité . J'ai yeu lés freus ; j'trannoais lés berbettes qu'i disoais ch't honme tout péteu
L'o té condamné à raquer 9000€
*Wépe = Guêpe : Masculin ; on dit un wépe
*Cauffouré = Sensation d'étouffer par la chaleur
*Glichoér = Toboggan
Adon , quante os avez d'trop coeud din ein aréoplane ; i veut miu attinne qu'i s'arréte ; est gramint miu ! Un jonne chinoés in'n o foait lés frais . Ch't halbran la , conme i l'étoait cauffouré* , i l' o décidé pour prinne l'air ed bacher l'pouégnie d'farnéte qu'al étoait dvant li .
Quante cho'p porte al a tcheue , al o déclinché in minme temps ch'glichoér* ed sétchurité . J'ai yeu lés freus ; j'trannoais lés berbettes qu'i disoais ch't honme tout péteu
L'o té condamné à raquer 9000€
*Wépe = Guêpe : Masculin ; on dit un wépe
*Cauffouré = Sensation d'étouffer par la chaleur
*Glichoér = Toboggan
lundi 7 mai 2018
Etienne Terrus
Qué décarsure més amis ! maginez un musée consacré à Etienne Terrus , sans tableaux !
Ch'est ch'coeup d'malsaveur qu'est arrivé a ch'musée d'Elne din chés Pyrénées -orientales . Pér après awoér freumé leu musée pour rimbéllichemint ; étoait vnu ch'momint d'l inaugurer !
Adon, feut ti coér awoér quétchose à métte éddin ! Unne tchote chintaine ed tableaux is leu z'ont r'treuvés mon chés cadoreus à Perpignan pi qu'i sanne a vir qu'a sroait mie dés vrais !
Oh l'infilure pus d'chint soéchante mille uros pértis à l'ouste ! Arrien l'tableau si j'pu dire !!!!
Ch'est ch'coeup d'malsaveur qu'est arrivé a ch'musée d'Elne din chés Pyrénées -orientales . Pér après awoér freumé leu musée pour rimbéllichemint ; étoait vnu ch'momint d'l inaugurer !
Adon, feut ti coér awoér quétchose à métte éddin ! Unne tchote chintaine ed tableaux is leu z'ont r'treuvés mon chés cadoreus à Perpignan pi qu'i sanne a vir qu'a sroait mie dés vrais !
Oh l'infilure pus d'chint soéchante mille uros pértis à l'ouste ! Arrien l'tableau si j'pu dire !!!!
samedi 5 mai 2018
Rillettes glachées
Din la Sarthe deux tchutéreux d'vaques à lait is ont acaté des rillettes mon chartchutier dé ch'poéys , du chuque pi du lait in ramindo , is ont bouté toute din eine gate , pour au final avoér éd z'amuse djeule à l'apéro !
Pi ch'est poin toute , is ont invésti deux chint mille uros pour ahanser dés glaches din leu laboratoère ; pu d'quatre-vingt parfums . Pi conme dé bien si os allez ranser din ch'coin la os porez gouter eune glache au rillette !!!
Pi ch'est poin toute , is ont invésti deux chint mille uros pour ahanser dés glaches din leu laboratoère ; pu d'quatre-vingt parfums . Pi conme dé bien si os allez ranser din ch'coin la os porez gouter eune glache au rillette !!!
vendredi 4 mai 2018
Ch'est pon mi qu'i l'o foait
A n'est mie diu possibe inne histoére paréle ! J'vous l'conte casi in diréc piqu'éj l'ai li din cho'g gazette timpe au matin .
Pér après avoér rindu visite à s'n urologue , un marocain i l'o apprind qu'i n'poroait mie awoér d'z éfants , i sanne à vir qu'i sroait stérile ! El probléme ch'est qué ch't honme lo i n'n a déjo ...9 ed 'z éfants !
mie possibe qu'i déclaque ech't urologue , os étes cazimint né conme cho !
I rinte a s'moaison pi i dminde un molé d'asplique à sin blanc bonnet ; pi la pus moéyen de s'carapater , a s'a mis a tabe , al o avoué d'avoér trompé s'n honme pi avoér yeu sés neuf éfants !
ch't honme i l'o été obligé ed porter plainte pour povoér disvorcer l'un d'l eute ch'est conme cha au maroc ; pi surtout ed casser juridiquemint tout chés liens d'parintés avoéc chés neuf z"éfants !
Qué décarsure mes gins , apprinde cha au bout d'trinte chonq ans d'mériage !
Pér après avoér rindu visite à s'n urologue , un marocain i l'o apprind qu'i n'poroait mie awoér d'z éfants , i sanne à vir qu'i sroait stérile ! El probléme ch'est qué ch't honme lo i n'n a déjo ...9 ed 'z éfants !
mie possibe qu'i déclaque ech't urologue , os étes cazimint né conme cho !
I rinte a s'moaison pi i dminde un molé d'asplique à sin blanc bonnet ; pi la pus moéyen de s'carapater , a s'a mis a tabe , al o avoué d'avoér trompé s'n honme pi avoér yeu sés neuf éfants !
ch't honme i l'o été obligé ed porter plainte pour povoér disvorcer l'un d'l eute ch'est conme cha au maroc ; pi surtout ed casser juridiquemint tout chés liens d'parintés avoéc chés neuf z"éfants !
Qué décarsure mes gins , apprinde cha au bout d'trinte chonq ans d'mériage !
jeudi 3 mai 2018
Advinette
OS SAVEZ TI A COEUSE EQ CHU BAS D'PATALON ED GILBERT MONTAGNÉ I L'EST TOJOURS GANE ??
BEN , PACHQUE SIN TCHIEN AUSSI I L'EST AVUGUE !!
mercredi 2 mai 2018
Ch'toér dézailé
Is ont yeu coeud a leu tchul chés habitants d'cuzco au Pérou!
N'y o un toér qu'i s'a écappé dé s'n inclo , i l'o foayé conme inne balle boche din un grand magasin . Edvant d'rintrer i l'o houlé un honme qu'i r'béyoait sin portabe ! Inne foés din ch'magasin i l'o chambutché tout ch"qui s'treuvoait dvant li , chés gins , chés rayons pi toute .
Au bout dix minutes , réyus , mafflé ; i s'a pausé un molé , probabe qu'i l'o du r'connoaite sés camarates din ch'rayon a d'où qu'i a chés boétes ed riz
Finalmint is ont pu n'in vnir à bout , un jone nivlet seurmint qu' ch'est un jonne qu'i s'otchupe ed chés toérs i l'o lanché un lasso pou l'péquer à sin co , pi l'lo attaqué à un potieu !
N'y o un toér qu'i s'a écappé dé s'n inclo , i l'o foayé conme inne balle boche din un grand magasin . Edvant d'rintrer i l'o houlé un honme qu'i r'béyoait sin portabe ! Inne foés din ch'magasin i l'o chambutché tout ch"qui s'treuvoait dvant li , chés gins , chés rayons pi toute .
Au bout dix minutes , réyus , mafflé ; i s'a pausé un molé , probabe qu'i l'o du r'connoaite sés camarates din ch'rayon a d'où qu'i a chés boétes ed riz
Finalmint is ont pu n'in vnir à bout , un jone nivlet seurmint qu' ch'est un jonne qu'i s'otchupe ed chés toérs i l'o lanché un lasso pou l'péquer à sin co , pi l'lo attaqué à un potieu !
Inscription à :
Articles (Atom)