Éh bé sié justemint i -o l'fu non dés z'os !
Mon chés ricains la bos du coté d'aliwoude ! Tout est azi , guerzi ; i o l'fu din chés collines qu'i boute él fu a chés baraques ; minme chés baraque ed chés maqués à millions (chés vedettes d'aliwoude )
Pi din tout ch'carpin la , alors' qu'i n'y a dés chint pi dés mille ed gins qu'is décanill'te avu lu voéture pi qu'is s'intass't-é su chés voés rapides . Vlo ti poin qu'un type i fruche * inter chés voétures , biétôt qu'i s'froait écatir és t'halbran la , a coeuse eq chés automobilisses is ni voét't-é goutte* raport a cho'f funqué dé ch'fu .
Edon , ch'type o l'voét s'métte à deux jnoux pi raveuder* du coté d'chol binne d'arrét d'urgeince !
Quoé qu'i foait ? Os l'savez ti vouzote ?
Deux , troés minutes pér après i s'r étampi* , et dvinez quoé qu'i l'avoait din sés mains ; ....un lapin ! Tout chés risque é-lo pour un capuchin !
Tours est -i qué ch't honme i l'o détalé conme un iéfe* pachqu'i cminchoait d'avoér el fu a sin tchul !!!
*Frucher = Passer entre quelque chose ou quelqu'un
*Voir goutte = Ne pas voir grand chose
*Raveuder = Chercher
*S'r étampir = Se redresser
*Iéfe = Lièvre
Aucun commentaire:
Enregistrer un commentaire