Qué décarsure ! Occir* conme cho à 46 ans d'un accideint d'moto su chés routes . Ch'est ch'maire qu'i o dû l'annoncher à cho'f fénme qué s'n honme i l'avoait défuncté .
Mais ch'maire i l'o réspécté chol darinne volonté d'chu défunt ; qu'étoait dé s'foaire intérer avu s'moto .
Eune premiére in France . Toute i l'o té foait din chés régues ; cho'b bécane al o té dépolluée et mis din eune boéte étanche aveuc tout chés agobilles* ed motard .
Daucuns diront : Écmint qu'i fro pour s'incrinquer d'su ?! Mi j'dis qu'i vo s'tribouler* tout seu ; bé o n'o mie dzoin d'parsonne in Harley Davidson !!!!! Ed tout sin , ch'est eine Yamaha !
*Occir = Mourir
*Agobilles = Objets divers
*S'tribouler = Se débrouiller
Aucun commentaire:
Enregistrer un commentaire