vendredi 5 janvier 2018

Bien au keud

Al coyette conme o dit à mzure ! ...   Quiéche ? mi ? Nan , i n'foait mie si froéd qu'cho su cho'c côte d'opale pour qu'éj reste bien au keud* ! Al pointelette* i foait 6 o 7° pi après none os ons  10 o 12° .

Du contraire chés manchots royaux ed chu zoo ed Calgary au Canada is ont té wardés bien au keud ; margré* qu'chés dés bétails qu'is sont foait pour indurer ch'froéd , mais dés qu'i foait pus d'moins 25° is rest't-é din leu cabane , et diminche passé au Canada i fsoait moins 30 , aveuc inne sinsation ed moins 40 a coeuse dé ch'vint d'voleux qu'i fsoait !!

Pour seur éq mi aveuc un froéd parél ej préfére m'inclaner* din chés casinos pour juer a ch'bandit " manchot" !!!!!!

*Keud = Chaud
*Pointelette = Au point du jour , à l'aube
*Margré = Malgré
*Inclaner = Enfermer


Aucun commentaire:

Enregistrer un commentaire