I n'est poin rére* eq chés cadoreux is r'cheut'té dés carté-postales ; souvint d'leu collègues conme in dit qu'is sont in vagances . Mais lo , is nn'ont r'cheut eune d'un type a qui is avoait't inlvé sin pérmis d'rouler à coeuse qu'i l'avoait lapé un coup d'trop ; du coup i s'o r'treuvé sains pérmis .
Édon pou s'n aller œuvrer i l'o du foaire du covoéturage , et durant chés trajets i l'o queu amoureux d'eune fénme . Is s'arrange'té bien insanne piq'cha foait 2 ans qu'cha dure . Lo is sont in vagance dins cho'b botte* à Milan ! " Merci pour touté-deux "; qu'i l'o mérqué ch't honme in bos d'cho'c carte !
*Rére = Rare
Cho'b botte = L'Italie
Aucun commentaire:
Enregistrer un commentaire